Чарнігаўская вобласць

З пляцоўкі Вікіпедыя
Jump to navigation Jump to search
Чарнігаўская вобласць
Чернігівська область
 Герб
Coat of Arms of Chernihiv Oblast.png
 Сцяг
Flag of Chernihiv Oblast.svg
Краіна

Flag of Ukraine.svg Украіна

Уваходзіць у

Украіна

Адміністрацыйны цэнтр

Чарнігаў

Кіраўнік

Валерый Пятровіч Куліч[d]

Насельніцтва (2006)

1 156 609

Шчыльнасць

638 чал./км²

Плошча

31,865 км²

Чарнігаўская вобласць на карце

Часавы пояс

UTC+2 і UTC+03:00

Код ISO 3166-2

UA-74

Тэлефонны код

+380-46

Код аўтам. нумароў

CB

Афіцыйны сайт
Commons-logo.svg Чарнігаўская вобласць на Вікісховішчы

Чарнігаўская вобласць (укр.: Чернігівська область) — адміністрацыйна-тэрытарыяльная адзінка Украіны. Створана 15 кастрычніка 1932.

Геаграфічныя звесткі[правіць | правіць зыходнік]

Месцазнаходжанне[правіць | правіць зыходнік]

Размешчаная на поўначы Украіны. На тэрыторыі вобласці, каля вёскі Пятроўкі, знаходзіцца крайні паўночны пункт Украіны. На ўсходзе мяжуе з Сумской вобласцю, на поўдні — з Палтаўскай вобласцю, на захадзе — з Кіеўскай вобласцю. На поўначы мяжуе з Беларуссю.

Клімат[правіць | правіць зыходнік]

Клімат умерана-кантынентальны. Сярэднія тэмпэратуры ліпеня +18,4° — +19,9° С, студзеня — −6° — −8° С. Сярэднегадавая колькасць ападкаў складае 500—600 мм. Працягласць вегетацыйнага перыяду — 150—160 дзён у год.

Рэльеф[правіць | правіць зыходнік]

Амаль уся тэрыторыя вобласці ўваходзіць у склад Прыдняпроўскай нізіны, толькі невялікая частка на паўночным усходзе — у склад Сярэдняга ўзвышша. Паверхня ўяўляе сабой палога-хвалістую раўніну, якая мае агульны ўхіл з паўночнага ўсходу на паўднёвы захад.

Карысныя выкапні[правіць | правіць зыходнік]

Карысныя выкапні Чарнігаўшчыны — нафта, торф, фасфарыты, крэйда, вапна, каалін.

Водныя аб’екты[правіць | правіць зыходнік]

Па тэрыторыі вобласці цячэ 1200 рэчак агульнай даўжынёй каля 8,5 тыс. км. Найбольшыя рэкі — Дняпро, Дзясна з прытокамі Сейм, Асцёр, Сноў, Убедзь, на поўдні — Удай.

Гісторыя[правіць | правіць зыходнік]

Засяленне тэрыторыі Чарнігаўшчыны пачалося яшчэ ў эпоху палеаліту — каля 100 тыс. гадоў таму. У IX стагоддзі Чарнігаўска-Северская зямля ўвайшла ў склад Кіеўскай Русі ў якасці асобнага Чарнігаўскага княства. Пасля заваявання яго манголамі ў ХІІІ стагоддзі за ўладанне гэтай зямлёй вяліся працяглыя войны паміж Вялікім Княствам Літоўскім і Маскоўскім княствам, а з ХVІ стагоддзя — Рэччу Паспалітай і Маскоўскім княствам. З 1649 па 1764 гады Чарнігаўшчына ў складзе некалькіх палкоў уваходзіла ў казацкую дзяржаву, Гетманшчыну. Пасля ліквідацыі Гетманшчыны Расійскай імперыяй у 1796 годзе была створаная Маларасійская губерня з цэнтрам у горадзе Чарнігаў. Чарнігаўская вобласць была ўтвораная 15 кастрычніка 1932 года ў межах УССР.

Адміністрацыйна-тэрытарыяльны падзел[правіць | правіць зыходнік]

У складзе вобласці 22 адміністрацыйна-тэрытарыяльныя раёны, 15 гарадоў, з якіх 3 — абласнога значэння, 30 пасёлкаў гарадскога тыпу, 60 пасёлкаў, 1429 сёлаў.

Вядомыя асобы[правіць | правіць зыходнік]

Спасылкі[правіць | правіць зыходнік]

  • regadm.cn.ua — Сайт Чарнігаўскай абласной адміністрацыі