Ганна Сігнёль

Ганна Сігнёль
Агульная інфармацыя
Нарадзілася	20 мая 1961(1961-05-20) (63 гады) Фалун, Фалун, лен Даларна, Швецыя
Грамадзянства	Швецыя
Рост	1,69 м
Пазіцыя	паўабаронца
Клубная кар’ера
1972—1978 Фалун[d] 1980—1984 Брагэ Бурленгэ[d] 1984—1992 Strömsbro IF[d]
Медыяфайлы на Вікісховішчы

Ганна Сігнёль (шведск.: Anna Signeul; нар. 20 мая 1961, Фалун) — шведская прафесійная футбалістка, трэнер.

Біяграфія

Нарадзілася і вырасла ў шведскім Фалуне. У дзяцінстве займалася шматлікімі відамі спорту. Будучы заўзятай балельшчыцай «Гётэбарга», вырашыла паспрабаваць свае сілы ў футболе. З 1972 года яна выступала за ФК «Фалун». У вышэйшай лізе шведскага жаночага футбола яна ў агульнай складанасці правяла 240 матчаў.

Трэнерская кар’ера Ганны стартавала ў пачатку 1980-х, нейкі час яна была трэнерам-гульцом. Трэніравала шэраг шведскіх клубаў. З 1996 года працавала з юнацкімі зборнымі Швецыі. 1 сакавіка 2005 года ўзначаліла нацыянальную каманду Шатландыі. У студзені 2017 года яна аб’явіла, што пасля заканчэння Еўра 2017 у Нідэрландах, куды шатландкі прабіліся ўпершыню, узначаліць зборную Фінляндыі.