Гродзенскі філіял БІП
Гродзенскі філіял БІП | |
---|---|
![]() | |
Дырэктар | Юрый Юр’евіч Гняздоўскі |
Размяшчэнне | |
Юрыдычны адрас | Гродна, вул. Маставая, 39 |
Сайт | bip-grodno.by |
Гродзенскі філіял БІП — філіял Беларускага інстытута правазнаўства ў г. Гродна, размешчаны ў будынку былога танкасуконнага камбіната па адрасе вул. Маставая, 39.
Гісторыя
[правіць | правіць зыходнік]Створаны ў 1994 годзе, у той час вучэбна-адукацыйны працэс забяспечваўся адной кафедрай, першы набор студэнтаў быў праведзены па спецыяльнасці «Правазнаўства». Да 2010 года філіял размяшчаўся разам з Гродзенскім дзяржаўным прафесійным электратэхнічным каледжам імя І. Счаснага ў будынку па вуліцы Дзяржынскага, 41б. У 2005—2008 гадах таксама арандаваў памяшканні ў будынку па адрасе вул. Горкага, 121, дзе цяпер месціцца Упраўленне следчага камітэта Рэспублікі Беларусь па Гродзенскай вобласці.
![](http://upload.wikimedia.org/wikipedia/commons/thumb/4/40/Grodno._View_of_the_Neman_River_and_the_historical_centre_of_the_city.jpg/220px-Grodno._View_of_the_Neman_River_and_the_historical_centre_of_the_city.jpg)
З 2010 года месціцца ў новым будынку ў цэнтры горада на беразе р. Нёман. У філіяле створаны зал судовых пасяджэнняў для разгледжання судамі крымінальных, цывільных, эканамічных спраў у выязную сесію, правядзення дзелавых гульняў са студэнтамі па дысцыплінах працэсуальнага цыклу.
Структура
[правіць | правіць зыходнік]Падрыхтоўку спецыялістаў у інстытуце па 150 дысцыплінах ажыццяўляюць 4 кафедры:
- Кафедра тэорыі і гісторыі права
- Кафедра крымінальнага права, працэсу і крыміналогіі
- Кафедра філасофіі, паліталогіі і псіхалогіі
- Кафедра цывільнага і міжнароднага права
Спецыяльнасці
[правіць | правіць зыходнік]- Правазнаўства (спецыялізацыя «Гаспадарчае права»; «Падатковае і банкаўскае права»)
- Міжнароднае права (спецыялізацыя «Міжнароднае мытнае права»)
- Паліталогія (спецыялізацыя «Палітычная ўлада і палітычныя сістэмы»)
- Эканоміка і кіраванне на прадпрыемстве («Эканоміка і прававое забеспячэнне гаспадарчай дзейнасці»)
Дырэктары
[правіць | правіць зыходнік]- 1994—1998 — Рыгор Андрэевіч Колб
- 2000—2011 — Вячаслаў Цімафеевіч Леанавец
- 2011—2015 — Віталь Анатолевіч Пракопік
- з 2015 — Юрый Юр’евіч Гняздоўскі
Вядомыя выкладчыкі
[правіць | правіць зыходнік]- Наталля Уладзіміраўна Сліж — беларускі гісторык.