Гусінае (возера, Бурація)

Гусінае
бур. Галуута нуур, руск.: Гусиное озеро
Морфаметрыя
Вышыня над узроўнем мора	551 м
Даўжыня	24,5 км
Шырыня	8,5 км
Плошча	163 км²
Аб’ём	2,5 км³
Даўжыня берагавой лініі	65 км
Найбольшая глыбіня	28 м
Басейн
Плошча вадазбору	924 км²
Упадаюць	Барата, Загустай, Ахур, Сангінэ, Сільвэ, Цаган-Гол
Выцякаюць	Баін-гол
Размяшчэнне
Краіна	Расія
Рэгіён	Бурація
Гусінае
Гусінае
Ідэнтыфікатары
ДВР	16030000511116300001128
Медыяфайлы на Вікісховішчы

Гусі́нае возера (бур. Галуута нуур, руск.: Гусиное озеро) — возера ў Расіі, у Селенгінскім раёне Бураціі, у басейне ракі Селенга, каля горада Гусінаазёрск.

Плошча паверхні возера 163 км². Даўжыня 24,5 км, найбольшая шырыня 8,5 км, даўжыня берагавой лініі 65 км. Найбольшая глыбіня 28 м. Плошча вадазбору 924 км². Аб’ём вады ў возеры 2,5 км³. Катлавіна возера знаходзіцца ў тэктанічнай упадзіне ў сярэдзіне Гусінаазёрскай катлавіны, на вышыні 551 м над узроўнем мора, выцягнутая ў напрамку з паўночнага ўсходу на паўднёвы захад. Берагавая лінія слаба звілістая. Берагі пераважна нізкія і пясчаныя. Заходняе, паўночнае і часткова паўднёвае ўзбярэжжа забалочаныя. Большая частка дна возера высланая ілам.

Возера замярзае ў канцы кастрычніка — лістападзе, вызваляецца ад лёду ў канцы красавіка — сярэдзіне мая. У Гусінае возера ўпадаюць Барата, Загустай, Сангінэ, Сільвэ, Цаган-Гол і іншыя вадатокі. Выцякае рака Баін-Гол (прыток Селенгі).

Каля возера горад Гусінаазёрск, сяло Гусінае Возера.

Літаратура

• Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 126. — 538 с. — 100 000 экз. (руск.)
• Большой энциклопедический словарь: В 2-х т. / Гл. ред. А. М. Прохоров. — М.: Сов. энциклопедия, 1991. — Т. 1. — С. 352. — 863 с. — 2 000 000 экз. — ISBN 5-85270-042-8 (т. 1.). (руск.)

Спасылкі

• Государственный водный реестр РФ (руск.)
• Измайлова А. В. Гусиное озеро // Научно-популярная энциклопедия «Вода России» (руск.)