Селенга

Селенга
Даўжыня	1024 км
Расход вады	935 м³/с
Вадазбор	447 000 км²
У Вікісховішчы ёсць выявы з тэмай: Селенга

Селенга́ (бурацк.: Сэлэнгэ мүрэн; манг.: Сэлэнгэ мөрөн) — рака ў Манголіі і Расіі (Бурація), упадае ў возера Байкал, адносіцца да басейна Енісея.

Назва

Існуюць розныя версіі паходжання назвы ракі:

• ад бурацкага кораня «сэл», які ў перакладзе азначае «разліў, возера»;
• ад Тунгускага «sele» або «сэлэ», што як «жалеза», а сэлэнга — «жалезны».

Геаграфія

Даўжыня Селенгі (ад вытока ракі Ідэр) — 1024 км, пры гэтым 409 км ніжняга цячэння — па тэрыторыі Расіі. Плошча вадазборнага басейна — 447 тыс. км². Рака ўтвораецца зліццём рэк Ідэр і Дэлгэр-Мурэн, мае пераважна раўніннае аблічча з чаргаваннем звужэнняў (да 1—2 км) і катлавінападобных пашырэнняў даліны да 20—25 км, дзе яна часта дзеліцца на пратокі. Пры ўпадзенні ў Байкал утварае шырокую дэльту плошчай 680 км² (на яе прыпадае прыкладна 1/2 рачных вод, якія паступаюць у возера).

Асноўныя прытокі: Эгійн-Гол, Джыда, Архон, Хілок, Уда. У басейне ракі больш за 5549 азёр агульнай плошчай каля 616 км².

Літаратура

• Беларуская энцыклапедыя: У 18 т. Т.14: Рэле — Слаявіна / Рэдкал.: Г. П. Пашкоў і інш. — Мн.: БелЭн, 2002. — Т. 14. — 512 с. — 10 000 экз. — ISBN 985-11-0238-5 (Т. 14).

Спасылкі

• Селенга (руск.)  — артыкул з Вялікай савецкай энцыклапедыі
• На Вікісховішчы ёсць медыяфайлы па тэме Селенга