Доктар Ватсан

З пляцоўкі Вікіпедыя
(Пасля перасылкі з Доктар Уатсан)
Перайсці да: рух, знайсці
Шэрлак Холмс і Доктар Ватсан

Доктар Джон Уатсан ці доктар Ватсан (англ.: Dr John Hamish Watson) — выдумлены персанаж апавяданняў Артура Конан Дойла. Сябра, памочнік і біёграф Шэрлака Холмса, яго сусед па кватэры, апавяданне ідзе ад яго асобы, акрамя чатырох гісторый. Ён апісваецца як тыповы джэнтльмен віктарыянскай эпохі ў адрозненні ад больш эксцэнтрычнага Холмса. Ён пранікнёны, хоць і ніколі не можа параўнацца з дэдуктыўнымі навыкамі свайго сябра.

Прататыпам доктара Ватсана прынята лічыць самога Конана Дойля, аднак сэр Артур у сваіх мемуарах называў маёра Вуда, які быў сакратаром Конана Дойля і правёў побач з ім амаль 40 гадоў.

Ватсан быў адаптаваны ў розных фільмах, тэлевізійных серыялах, відэагульнях, коміксах і радыё, захоўваючы сваю ролю сябра і даверанай асобы Холмса.

Біяграфія[правіць | правіць зыходнік]

Джон Ватсан ў 1872 годзе паступіў ў Лонданскі універсітэт, пасля яго сканчэння працуе хірургам у шпіталі Святога Барталамея. У 1878 году ён атрымлівае ступень доктара медыцыны і паступае дократам на ваенную службу. Ватсан служыць спачатку ў Індыю, а пазней у Афганістане. У Майвандской бітве ён быў паранены, а пасля захварэў брушным тыфам, пасля чаго вяртаецца ў Лондан. У 1881 годзе сустракаецца з Шэрлакам Холмсам, здымае кватэру на Бэйкер-стрыт ў місіс Хадсон.

Паміж 1883 i 1887 годам некаторы час жыве ў ЗША, дзе мае прыватную медычную практыку ў Сан-Францыска.

Пасля смерці брата Генры у 1888 годзе, Ватсан сустракае Мэры Морстен і бярэ шлюб з ёй. Купляе практыку ў Падынгтане, якую прадае ў 1891 годзе і вяртаецца ў Кенсінгтан. Каля 1892 года памірае Мэры Морстен, праз два гады Ватсан прадае практыку ў Кенсінгтон і вяртаецца на Бэйкер-стрыт. У 1902 годзе ён перасяліўся ў апартаменты на вуліцы каралевы Ганны, уступае ў новы шлюб і вяртаецца да медычнай практыкі.