Дыцэнтра амерыканская (Dicēntra formōsa) — шматгадовая травяністая расліна; від роду дыцэнтра (Dicentra) сямейства макавыя (Papaveraceae). Радзіма — Ціхаакіянскае ўзбярэжжа Паўночнай Амерыкі.
Расліна ценевынослівая, хоць лепш развіваецца на сонцы. Глебы любіць пажыўныя, друзлыя, водапранікальныя. Мае патрэбу ў перыядычных падкормках. Зімуе добра, але ў якасці прафілактыкі можна атуліць. Размнажаецца дзяленнем куста восенню, зялёнымі тронкамі на працягу ўсяго лета. У садзе высаджваюць як сярод камянёў на горцы, падпорнай сценцы, так і побач з дэкаратыўна-лісцянымі мнагалетнікамі і нізкімі хмызнякамі.