Ева Дальгрэн

Ева Дальгрэн
Род дзейнасці	пісьменніца, спявачка, аўтарка-кампазітар, дзіцячая пісьменніца
Дата нараджэння	9 чэрвеня 1960(1960-06-09)[…] (64 гады)
Месца нараджэння	Umeå stadsförsamling[d], камуна Умеа, лен Вестэрботэн, Швецыя
Грамадзянства	Швецыя
Муж	Efva Attling[d]
Узнагароды і прэміі	Rockbjörnen[d] (1981) Melodifestivalen Hall of Fame[d] (2022)
Сайт	evadahlgren.com
Медыяфайлы на Вікісховішчы

Ева Дальгрэн (шведск.: Eva Dahlgren; нар. 9 чэрвеня 1960, Умеа, Швецыя) — шведская поп-спявачка і пісьменніца.

Біяграфія

Дальгрэн адкрыў музыкант і прадзюсар Бруна Гленмарк у 1978 годзе пасля з’яўлення на тэлешоў «Sveriges magasin» і яе дэбютнага альбома «Finns det nån som bryr sej om», які выйшаў у тым жа годзе. У 1979 годзе яна заняла трэцяе месца на нацыянальным музычным конкурсе Melodifestivalen (пераможца гэтага конкурсу прадстаўляе Швецыю на Еўрабачанні). Яна гастралявала па Швецыі ў 1987 годзе разам з гуртом «Roxette», тур наведалі больш за 100 000 чалавек. Кар’ера Дальгрэн ішла ў гару, яна выпускала некалькі альбомаў у 1980-я, але яе прарыў у Швецыі адбыўся ў 1991 годзе пасля выхаду альбома «En blekt blondins hjärta», які прадаўся агульным накладам больш за паўмільёна копій, прынёсшы выканаўцы пяць прэмій Grammis.

У ліпені і жніўні 2008 года Ева Дальгрэн гастралявала па Швецыі, Нарвегіі і Фінляндыі разам з Петэрам Ёбакам. Тур называўся «Himlen är inget tak», таксама быў выпушчаны аднайменны сінгл.

У 1996 годзе Дальгрэн з’явілася на першых палосах шведскіх газет пасля таго, як здзейсніла камінг-аўт, заключыўшы грамадзянскі саюз з дызайнерам ювелірных упрыгожванняў Еўфай Атлінг. У сувязі з грамадзянскім партнёрствам, Дальгрэн змяніла сваё прозвішча на Дальгрэн-Атлінг. У 2009 годзе дзяўчыны пажаніліся пасля таго, як у Швецыі быў прыняты гендэрна-нейтральны закон аб шлюбе.

Спасылкі

• На Вікісховішчы ёсць медыяфайлы па тэме Ева Дальгрэн