Жалва

Мястэчка Жалва літ.: Želva Касцёл Краіна Літва Павет Вільнюскі Раён Укмяргскі Сянюнія Жалваўская Каардынаты 55°13′08″ пн. ш. 25°05′49″ у. д. Ранейшыя назвы Жалва Плошча 2,73 км² Вышыня цэнтра 140 м Насельніцтва 457 чал. (2011) Часавы пояс UTC+2, летам UTC+3 Жалва на карце Літвы

Медыяфайлы на Вікісховішчы

Жа́лва (літ.: Želva, традыцыйная беларуская назва — Пазэльва) — мястэчка ва Укмяргскім раёне Вільнюскага павета Літвы. Цэнтр Жалваўскай сянюніі. Размешчана на рацэ Жальвяле (Зэльве), за 22 км на ўсход ад Укмярге. Насельніцтва на 2011 год — 457 чалавек.

Гісторыя

Вялікае Княства Літоўскае

Першы пісьмовы ўспамін пра Пазэльву датуецца 1373 годам. У 1385 годзе яна ўваходзіла ў склад Віленскага павета Віленскага ваяводства.

У 1753 годзе ў Пазэльве збудавалі касцёл.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Пазэльва апынулася ў складзе Расійскай імперыі, у Вількамірскім павеце Віленскай губерні.

На 1859 год у Пазэльве было 30 будынкаў.

Найноўшы час

Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Пазэльва апынулася ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.

Насельніцтва

• XIX стагоддзе: 1859 год — 300 чал.
• XXI стагоддзе: 2011 год — 457 чал.

Славутасці

• Касцёл Святога Ігнація Лаёлы (1892)

Вядомыя асобы

• Аарон Клуг (1926—2018) — брытанскі і паўднёваафрыканскі вучоны, біяхімік. Лаўрэат Нобелеўскай прэміі па хіміі (1982).

Спасылкі

• На Вікісховішчы ёсць медыяфайлы па тэме Жалва
• Пазельва на сайце Radzima.org