Новае Места (Літва)

Мястэчка
Новае Места
літ.: Žemaičių Naumiestis
Герб
55°21′29″ пн. ш. 21°42′00″ у. д.
Краіна	Літва
Павет	Клайпедскі
Раён	Шылуцкі
Сянюнія	Жамайчу-Наўміесціская
Гісторыя і геаграфія
Ранейшыя назвы	Аляксандраўск
Мястэчка з	1995
Вышыня цэнтра	23 м
Часавы пояс	UTC+2, летам UTC+3
Насельніцтва
Насельніцтва	1 373 чал. (2011)
Паказаць/схаваць карты
Новае Места
Медыяфайлы на Вікісховішчы

Новае Места, таксама Жамайчу Наўміесціс, Жамойцкае Новае Места (літ.: Žemaičių Naumiestis, жам. Žemaitiu Naumiestis) — мястэчка ў Шылуцкім раёне Клайпедскага павета Літвы, за 14 км на ўсход ад Шылуце. Цэнтр Жамайчу-Наўміесціскага староства.

Гісторыя

Вядомае з XVII стагоддзя як Новае Места. Згадваецца з 1650 года. У 1792 годзе атрымаў гарадскія правы.

У выніку трэцяга падзелу Рэчы Паспалітай 1795 года Новае Места апынулася ў складзе Расійскай імперыі. У 1881 годзе быў перайменаваны расійскімі ўладамі ў Аляксандраўск.

З 1918 года ў складзе Літвы, Таўрогскім павеце. З 1940 года ў Літоўскай ССР. У 1947 годзе Новае Места было перададзена ў Шылуцкі павет. У 1950 годзе Новае Места ўвайшло ў Шылуцкі раён Клайпедскай вобласці. У 1953 годзе Клайпедская вобласць была скасавана і Шылуцкі раён перайшоў у прамое падпарадкаванне Літоўскай ССР. У 1958 годзе Новае Места атрымала статус пасёлка гарадскога тыпу.

З 1990 года ў складзе адноўленай незалежнай Літвы. У 1995 годзе нададзены статус мястэчка.

Насельніцтва

Год Колькасць 2011 1 373

Вядомыя асобы

• Марцінас Мажвідас (~1510-1563) — літоўскі першадрукар, пісьменнік.

Літаратура

• Nowemiasto // Słownik geograficzny Królestwa Polskiego i innych krajów słowiańskich. Tom VII: Netrebka — Perepiat (польск.). — Warszawa, 1886. — S. 226.

Спасылкі

• Žemačių Naũmiestis (літ.). Visuotinė lietuvių enciklopedija. Mokslo ir enciklopedijų leidybos centras (26 чэрвеня 2014). Праверана 25 лютага 2018.