Захоп закладнікаў у СІЗА Растова-на-Доне

Захоп закладнікаў у СІЗА Растова-на-Доне
Захоп закладнікаў у СІЗА Растова-на-Доне
Месца нападу	Следчы ізалятар №1, Растоў-на-Доне (Расія);
Дата	16 чэрвеня 2024;
Спосаб нападу	захоп закладніказ
Зброя	заточкі, нажы, гумавыя дубінкі
Загінулыя	6 (тэрарысты)
Колькасць тэрарыстаў	6
Тэрарысты	Ісламская дзяржава
Закладнікі	2

Захоп закладнікаў у СІЗА ў Растове-на-Доне ісламскімі тэрарыстамі, якія дзейнічалі ад асобы «Ісламскай дзяржавы», адбыўся раніцай 16 чэрвеня 2024 года. Для вызвалення закладнікаў спецназ правёў штурм СІЗА, падчас якога тэрарысты былі ліквідаваныя.

Ход падзей[правіць | правіць зыходнік]

Па даных Telegram-канала «SHOT», у тры гадзіны ночы шасцёра зняволеных здзейснілі ўцёкі са сваіх камер. Яны выбілі аконныя рашоткі, спусціліся па канаце з 3-га і 4-га паверхаў, адзін з іх упаў і зламаў руку. Пасля выхаду з камер яны адседзеліся на тэрыторыі СІЗА, а затым згрупаваліся і ўзброіўшыся заточкамі, нажамі і гумовымі дубінкамі захапілі малодшага інспектара Віктара Канчакова^[1].

Першыя паведамленні аб захопе закладнікаў былі апублікаваныя ў Telegram-канале «Baza». Пазней гэтая інфармацыя пацвердзілася. Увесь асабісты склад МУС, Расгвардыі і АМАПа быў узняты па трывозе. Са зняволенымі пачаты перамовы, падчас якіх быў узяты ў закладнікі начальнік аператыўнага ўпраўлення ФСВП Растоўскай вобласці Аляксандр Богма. Захопнікі запатрабавалі даць ім аўтамабіль, зброю і свабодны выезд з СІЗА. Яны запісалі некалькі відэа, на якіх сцвярджалі, што складаюцца ў групоўцы «Ісламская дзяржава»^[2]. У 10 гадзін раніцы ў СМІ з’явілася інфармацыя, што зняволеныя спрабуюць пранікнуць да сховішча, дзе знаходзіцца баявая зброя супрацоўнікаў. Неўзабаве ўваходы і выхады на ўчастак, захоплены тэрарыстамі, блакаваныя. У 11 гадзін раніцы спецназ ФСВП пачаў штурм СІЗА. Закладнікі былі вызваленыя, а злачынцы ліквідаваныя^[3].