Зімовыя Алімпійскія гульні 2026

Зімовыя Алімпійскія гульні 2026
Горад-арганізатар	Мілан Карціна-д’Ампеца Bormio[d] Разун-Антэрсельва Livigno[d] Прэдацца Tesero[d] Верона Arch of Peace[d]
Цырымонія адкрыцця	6 лютага 2026
Адкрываў	Серджа Матарэла
Цырымонія закрыцця	22 лютага 2026
Алімпійскі агонь	Сафія Годжа[d], Альберта Томба і Дэбора Кампаньёні[d]
Алімпійская клятва	Maurizio Marchetto[d], Stefania Constantini[d], Dominik Fischnaller[d] і Elisabetta Biavaschi[d]
Сайт	milanocortina2026.olympics.com (італ.)​ (англ.)​ (ням.)​ (фр.)
← 2022 2030 →
Медыяфайлы на Вікісховішчы

Зімовыя Алімпійскія гульні 2026 года (афіцыйна — Гульні XXV Алімпіяды) — XXV зімовыя Алімпійскія гульні, якія праходзілі з 6 па 22 лютага 2026 года ў Мілане і Карціна-д’Ампеца (Італія).

Арганізатар

Вынікі галасавання
Кандыдаты	Краіна	1-ы раўнд
Мілан, Карціна-д’Ампеца	Італія	47
Стакгольм, Орэ	Швецыя	34

Цырымонія адкрыцця

Цырымонія адкрыцця Алімпійскіх гульняў.

6 лютага 2026 года адбылася ўрачыстая цырымонія адкрыцця XXV зімовых Алімпійскіх гульняў. Акрамя галоўнай цырымоніі ў Мілане на стадыёне «Сан-Сіра», паралельныя ўрачыстыя мерапрыемствы адбываліся ў гарадах Прэдаца, Лівінья і Карціна-д’Ампеца — месцах алімпійскіх спаборніцтваў. Упершыню ў гісторыі былі ўсталяваныя адразу дзве чашы з алімпійскім агнём: адна ў Мілане на Арцы Міру, а другая — у Карціна-д’Ампеца на П’яца Дзібона, у цэнтры горада.

Спаборніцтвы

У праграму гульняў ўвайшлі спаборніцтвы ў 15 дысцыплінах.

Бабслей Біятлон Гарналыжны спорт Канькабежны спорт

Кёрлінг Лыжнае дваябор’е Лыжныя гонкі Санны спорт

Скачкі з трампліна Скелетон Скі-альпінізм Снаўбордынг

Фігурнае катанне Фрыстайл Шорт-трэк Хакей

Разыграна 116 камплектаў узнагарод.

Спаборніцтвы па кёрлінгу пачаліся 4 лютага.

8 лютага аўстрыйскі снаўбардыст Беньямін Карл выйграў алімпійскае золата ў паралельным гіганцкім слаламе ва ўзросце 40 год і 115 дзён, стаўшы самым узроставым пераможцам зімовых Алімпійскіх гульняў у асабістых відах спорту. 16 лютага 41-гадовая амерыканская бабслеістка Элана Маерс Тэйлар пабіла гэты рэкорд.

15 лютага нарвежскі лыжнік Ёханес Хёсфлат Клеба атрмаў перамогу разам з эстафетнай зборнай і выйграў свой дзявяты залаты алімпійскі медаль, стаўшы рэкардсменам зімовых Алімпіяд па гэтым паказчыку. Затым ён дадаў у калекцыю яшчэ два залатыя медалі.

Упершыню ў гісторыі Алімпійскіх гульняў адбылася жаночая лыжная гонка на 50 км, у апошні дзень, 22 лютага, залаты медаль атрымала шведская лыжніца Эба Андэрсан. У гэты ж дзень мужчынская зборная ЗША па хакеі выйграла алімпійскі турнір і паўтарыла свой поспех 1980 года.

Медальны залік

Пераможцам неафіцыйнага агульнакаманднага заліку стала зборная Нарвегіі, якая атрымала 41 медаль, у тым ліку 18 залатых.

Цырымонія закрыцця

Арэна ў Вероне.

Месцам правядзення цырымоніі закрыцця Алімпіяды 22 лютага 2026 года стаў антычны амфітэатр у Вероне.

Спасылкі

• На Вікісховішчы ёсць медыяфайлы па тэме Зімовыя Алімпійскія гульні 2026