Каліцтлаўака
![](http://upload.wikimedia.org/wikipedia/commons/thumb/c/ca/Calixtlahuaca%2C_Temple_of_Ehecatl_-_Quetzalcoatl_%2820499853349%29.jpg/300px-Calixtlahuaca%2C_Temple_of_Ehecatl_-_Quetzalcoatl_%2820499853349%29.jpg)
Каліцтлаўака (Calixtlahuaca) — гарадзішча посткласічнага перыяду на тэрыторыі мексіканскага штата Мехіка каля горада Талука-дэ-Лерда. Першапачаткова вядомы пад назвай «Матлацынка», гэты горад быў адміністрацыйным цэнтрам буйнога тэрытарыяльнага ўтварэння ў даліне Талука.
Археолаг Хасэ Гарсія Паён правёў раскопкі манументальных помнікаў у Каліцтлаўаке ў 1930-я гады і адрэстаўрыраваў шэраг храмаў і іншых збудаванняў. Найбольшую цікавасць прадстаўляюць Будынак 3 — круглы храм, прысвечаны ацтэцкаму богу ветру Эхекатлю, і Будынак 17 — буйны «палац». Па сваёй архітэктуры і каменным скульптурам Каліцтлаўака нагадвае іншыя ацтэцкія гарады сярэдняга і позняга посткласічнага перыяду (1100—1520) у цэнтральнай Мексіцы.
У 2002 годзе доктар Майкл Сміт пачаў у Каліцтлаўаке новы даследчы праект, які спансіравалі Універсітэт штата Арызона і Нацыянальны навуковы фонд, ЗША. Палявыя работы, пачатыя ў 2006 годзе, ахапілі ўсю тэрыторыю гарадзішча. У 2007 годзе ўпершыню быў раскапаны шэраг жылых дамоў і земляробчых тэрас.
У Каліцтлаўаке знойдзена «керамічная галава» , якой шэраг спецыялістаў прыпісвалі «еўрапейскае» паходжанне з-за рысаў твару.
Літаратура
[правіць | правіць зыходнік]- Hristov, Romeo H.; Genovés T., Santiago (1999), "Mesoamerica evidence of pre-Columbian transoceanic contacts", Ancient Mesoamerica, 10: 207–213, doi:10.1017/S0956536199102013
- Smith, Michael E. (2003) Postclassic Urbanism at Calixtlahuaca: Reconstructing the Unpublished Excavations of José García Payón.
- Smith, Michael E. (2005) "The «Roman Figurine» Supposedly Excavated at Calixtlahuaca, accessed January 2008.
- Smith, Michael E., Juliana Novic, Peter C. Kroefges, and Angela Huster (2007) «A New Map of the Aztec-Period City of Calixtlahuaca in Central Mexico. Antiquity 81:'Project Gallery'»
- Smith, Michael E., Jennifer Wharton, and Melissa McCarron (2003) «Las ofrendas de Calixtlahuaca» in Expresión Antropológica 19:35-53.