Камар звычайны, камар-піскун (Culex pipiens) — насякомае падатрада даўгавусых атрада двухкрылых.
Даўжыня да 8 мм. Ногі доўгія, вусікі ў самцоў перыстыя, у самак э кароткімі рэдкімі валаскамі. Ротавыя органы колючыя.
Пашыраны ва ўсім свеце, за выкпючэннем пустынь. Жывуць каля вадаёмаў, у сырых мясцінах, балотах. Лічынкі і кукалкі развіваюцца ў стаячай вадзе.
Самкі кормяцца крывёю пазваночных жывёл і чалавека, самцы — сокам і нектарам раслін, лічынкі — водарасцямі і арганічнымі рэшткамі. Зімуюць самкі.
Могуць пераносіць узбуджальнікаў хвароб жывёл і чалавека.
