Канстанцін Аляксандравіч Касцючэнка

Канстанцін Аляксандравіч Касцючэнка
фота Яўгена Колчава
Дата нараджэння	8 лістапада 1980(1980-11-08) (44 гады)
Бацька	Аляксандр Аляксандравіч Касцючэнка
Род дзейнасці	скульптар, выкладчык універсітэта
Месца працы	Беларуская дзяржаўная акадэмія мастацтваў
Жанр	скульптура
Вучоба	Мінскі дзяржаўны мастацкі каледж імя А. К. Глебава (2000) Беларуская дзяржаўная акадэмія мастацтваў (2006)
Член у	Беларускі саюз мастакоў
Прэміі
Узнагароды
Медыяфайлы на Вікісховішчы

Канстанці́н Алякса́ндравіч Касцючэ́нка (8 лістапада 1980) — беларускі скульптар.

Біяграфія

Паходзіць з дынастыі беларускіх жывапісцаў. Бацька — мастак Аляксандр Касцючэнка, маці — рэжысёр-мультыплікатар Наталля Касцючэнка.

Скончыў Мінскае мастацкае вучылішча імя А. К. Глебава (2000), Беларускую дзяржаўную акадэмію мастацтваў (2006).

Вучыўся ў Акадэміі вытанчаных мастацтваў Фларэнцыі.

Член Саюза мастакоў Беларусі (2008), дацэнт кафедры скульптуры Беларускай акадэміі мастацтваў (па стану на 2020).

Творы

• Манумент «Брама Памяці», частка мемарыяльнага комплексу «Трасцянец» у мінскім мікрараёне Шабаны
• Скульптура «Манета», усталявана перад галоўным офісам банка «Дабрабыт» па вул. Камуністычнай, 49
• Помнік пісьменніку Івану Шамякіну ў Добрушы (у сааўтарстве з Уладзімірам Піпіным)

Узнагароды

• Званне «Мінчанін года» (2015).
• Медаль Францыска Скарыны (2020).
• Дзяржаўная прэмія Рэспублікі Беларусь (2020) за стварэнне манумента «Брама памяці» ў мемарыяле «Трасцянец».

Спасылкі

• Канстанці́н Касцючэ́нка на сайце Беларускай дзяржаўнай акадэміі мастацтваў Архівавана 1 сакавіка 2020. (руск.)
• Беларускі Саюз мастакоў. Секцыя скульптуры Архівавана 29 мая 2013.