Канстанцін Віктаравіч Сіўцоў

З пляцоўкі Вікіпедыя
Jump to navigation Jump to search
Велагоншчык
Канстанцін Сіўцоў
Kanstantsin Siutsou CD 2011.jpg
Асабістая інфармацыя
Поўнае імя Канстанцін Віктаравіч Сіўцоў
Грамадзянства
Дата нараджэння 9 жніўня 1982(1982-08-09) (36 гадоў)
Месца нараджэння
Рост 184 см
Вага 69 кг
Інфармацыя пра гоншчыка
Цяперашняя каманда Team Dimension Data
Спецыялізацыя велагоншчык, Шашэйны веласпорт,
Прафесійныя каманды
2001–2002
2003
2005
2006
2007
2008–2011
2012–2015
з 2016
Itera
Lokomotiv
Fassa Bortolo
Acqua & Sapone
Barloworld
Team High Road
Sky Procycling
Team Dimension Data
Галоўныя перамогі

Джыра д'Італія - 1 этап (2009)

Тур Джорджыі - 1 этап (2008)
Commons-logo.svg Аўдыё, фота, відэа на Вікісховішчы

Канстанцін Віктаравіч Сіўцоў (нар. 9 жніўня 1982, Гомель) — беларускі прафесійны шашэйны велагоншчык, які выступае за каманду Dimension Data.

Кар'ера[правіць | правіць зыходнік]

Вядомасць прыйшла да Сіўцова пасля перамогі на Чэмпіянаце свету сярод андэраў (гоншчыкаў да 23 гадоў) у групавой гонцы, дзе беларус апярэдзіў Томаса Дэкера з Нідэрландаў і датчаніна Мадса Крыстэнсена. Гэты поспех дазволіў яму падпісаць кантракт з італьянскай камандай вышэйшага дывізіёна Fassa Bortolo. Аднак каманда на наступны год спыніла сваё існаванне і Канстанцін перайшоў у Acqua & Sapone. У складзе гэтай каманды ў 2006 годзе ён стаў чэмпіёнам Беларусі ў групавой гонцы.

У 2007 годзе велагоншчык падпісаў кантракт з Barloworld, у складзе якой адзначыўся такімі вынікамі як: другое месца на Giro dell'Appennino і трэцяе месца на Tre Valli Varesine і GP Città di Camaiore. А таксама ў ліпені ўпершыню прыняў удзел у самай прэстыжнай велагонцы — Тур дэ Франс, дзе заняў 32 месца ў генеральнай класіфікацыі.

Гэтыя поспехі прыцягнулі ўвагу менеджараў каманды Team High Road, якія і заключылі з ім кантракт. У красавіку 2008 года Канстанцін перамог на 6 этапе Тура Джорджыі — шматдзённай гонцы па дарогах ЗША і атрымаў жоўтую майку лідара. Па выніках гонкі ён захаваў лідарства і атрымаў перамогу ў агульным заліку шматдзёнкі. На Тур дэ Франс-2008 беларус заняў 16 месца.

На Джыра д'Італія 2009 Канстанцін святкаваў дзве перамогі: спачатку разам з Team Columbia-High Road у каманднай гонцы на час, а потым атрымаў асабістую перамогу сольнай атакай на 8 этапе.

2011 год — найбольш паспяховы ў кар'еры Сіўцова. Ён заняў дзясятае месца ў генеральнай класіфікацыі Джыра д'Італія і зноў разам з камандай першынстваваў у каманднай гонцы на час. На Чэмпіянаце Беларусі Канстанцін заваяваў залаты медаль у гонцы з раздзельным стартам.

З заканчэннем сезона 2011 гады каманда Team Columbia-High Road спыніла сваё існаванне з-за спонсарскіх праблем і беларус падпісаў кантракт з брытанскім праектам Sky Procycling. У складзе гэтай каманды ён зарэкамендаваў сябе як добры грэгары. Гоншчык быў часткай каманды, калі Рычы Порт выйграў Вольта Алгарвэ, Брэдлі Уігінс — Парыж-Ніца, Тур Рамандзіі і Крытэрыўм ду Дафінэ, а Майкл Роджэрс перамог на Bayern-Rundfahrt. Сіўцоў прайшоў адбор і стартаваў на Тур дэ Франс 2012 года ў якасці аднаго з асноўных памочнікаў Брэдлі Уігінса, але ўпаў і вымушаны быў сысці з пераломам левай галёнкі.

У 2013 годзе Сіўцоў атрымаў сольную перамогу на другім этапе Джыра дэль Трэнціна, у другі раз у кар'еры выйграў гонку з раздзельным стартам на Чэмпіянаце Беларусі. А на чэмпіянату свету-2013 па шашэйных велагонках ў італьянскай Фларэнцыі разам з таварышамі па Sky Procycling заваяваў бронзавы медаль у каманднай гонцы на час.

Зноскі

Спасылкі[правіць | правіць зыходнік]