Капліца Святога Тадэвуша (Вухвішча)
Капліца-пахавальня | |
Капліца Святога Тадэвуша | |
---|---|
![]() | |
55°14′52″ пн. ш. 28°28′18″ у. д.HGЯO | |
Краіна |
![]() |
Вёска | Вухвішча |
Дата заснавання | 1861 |
Дата пабудовы | 1861 год |
Капліца Святога Тадэвуша — былая каталіцкая мураваная капліца ў в. Вухвішча Полацкага раёна Віцебскай вобласці. Знаходзілася ў парку на высокім пагорку.
Гісторыя[правіць | правіць зыходнік]
![](http://upload.wikimedia.org/wikipedia/commons/thumb/e/ed/Vuchvi%C5%A1%C4%8Da%2C_Kaplica._%D0%92%D1%83%D1%85%D0%B2%D1%96%D1%88%D1%87%D0%B0%2C_%D0%9A%D0%B0%D0%BF%D0%BB%D1%96%D1%86%D0%B0_%281918%29.jpg/220px-Vuchvi%C5%A1%C4%8Da%2C_Kaplica._%D0%92%D1%83%D1%85%D0%B2%D1%96%D1%88%D1%87%D0%B0%2C_%D0%9A%D0%B0%D0%BF%D0%BB%D1%96%D1%86%D0%B0_%281918%29.jpg)
Фундавана яна была ў 1861 годзе ўладальнікам маёнтка А. Любенскім і яго сястрой А. Івашэўскай. Знішчана ў гады Другой сусветнай вайны.
Архітэктура[правіць | правіць зыходнік]
Архітэктура мураванага будынка была вырашана ў стылі рэтраспектыўнай готыкі (па ідэі фундатара капліца павінна была асацыіравацца з гатычным касцёлам св. Ганны ў Вільні). Уяўляла сабой прамавугольны аб’ём з пяціграннай апсідай і сакрысціямі. Над галоўным фасадам узносілася высокая васьмерыковая вежа-званіца са шпілем. Стракаты сілуэт будынка фармавалі шматлікія вастраверхія фіялы, вертыкальную дынамічную накіраванасць кампазіцыі надавалі стральчатыя нішы і вокны.
На чырвоным фоне цаглянай муроўкі вылучаліся пабеленыя элементы архітэктурнай пластыкі: ажурны аркатурны фрыз, фіялы прасценачных контрфорсаў, ліштвы стральчатых вокнаў. Галоўны фасад быў фланкіраваны гранёнымі пілонамі са шпілямі. У галоўным алтары знаходзіўся абраз св. Тадэвуша. У склепе хавалі памерлых уладальнікаў маёнтка. Помнік з белага мармуру ўвекавечваў памяць Адэлі Сялявы, а з чорнага Эльвіры Мікульскай, дачкі Любенскага[1].
Зноскі
Спасылкі[правіць | правіць зыходнік]
- Капліца Святога Тадэвуша (Вухвішча) на сайце Глобус Беларусі (руск.)