Карын Ларсан

Карын Ларсан
шведск.: Karin Larsson
Дата нараджэння	3 кастрычніка 1859(1859-10-03)[…]
Месца нараджэння	Эрэбру, камуна Эрэбу, лен Эрэбру, Швецыя
Дата смерці	17 лютага 1928(1928-02-17) (68 гадоў)
Месца смерці	Сундбарнс[d], Фалун, лен Даларна, Швецыя[…]
Грамадзянства	Швецыя
Бацька	Адольф Аксель Бергё[d]
Муж	Карл Ларсан
Дзеці	Брыта Ларсан[d], Сюзана Ларсан[d], Ульф Ларсан[d], Понтус Ларсан[d], Лісбет Ларсан[d], Матс Ларсан[d], Эсб’ёрн Ларсан[d] і Керсці Ларсан[d]
Род дзейнасці	мастачка, артыстка, мастак па тэкстылі
Вучоба	мастацкая школа Аўгуста Мальмстрома[d] Fruntimmersavdelningen vid Kungliga Akademien[d] Franska Skolan[d]
Член у	Шведскі дом[d]
Подпіс
Медыяфайлы на Вікісховішчы

Карын Ларсан (шведск.: Karin Larsson, 3 кастрычніка 1859 — 18 лютага 1928) — шведская мастачка.

Біяграфія

Карын Ларсан (дзявочае прозвішча Бергё — Bergöö) нарадзілася ў Эрэбру і вырасла ў Хальсбергу, дзе яе бацька, Адольф Бергё, быў паспяховым прадпрымальнікам. Яе малодшая сястра Стына выйшла замуж за брытанскага геолага Фрэнсіса Артура Батэра.

Карын з дзяцінства праявіла мастацкія таленты, спачатку вучылася ў Franska skolan у Стакгольме, затым у Slöjdskolan (цяпер універсітэцкі каледж Констфак), а ў перыяд 1877—1882 гадоў — у Каралеўскай акадэміі свабодных мастацтваў. Па заканчэнні акадэміі яна з’ехала ў калонію скандынаўскіх мастакоў у Грэ-сюр-Луэн недалёка ад Парыжа.

У Грэ-сюр-Луэн яна пазнаёмілася са шведскім мастаком Карлам Ларсанам. У 1883 годзе яны разам вярнуліся ў Стакгольм, дзе пажаніліся. Пасля нараджэння ў 1884 годзе першага дзіцяці, дачкі Сюзаны, яны паехалі ў Грэ-сюр-Луэн, а ў 1885 годзе зноў вярнуліся ў Швецыю.

У 1888 годзе па прапанове шведскага калекцыянера Понтуса Фюрстэнберга, які пажадаў набыць вялікую карціну Карла у сваю калекцыю, Ларсаны зноў год пражылі ў Парыжы.

Карын падтрымлівала працу Карла, была яго асноўным крытыкам і мадэллю. Маючы вялікі дом і восем дзяцей, яна накіравала свае намаганні на дызайнерскую дзейнасць: яна ткала, вышывала, прыдумляла мадэлі адзення для сябе і дзяцей і нават праектавала мэблю. Яна стварыла свой непаўторны шведскі стыль з яркімі кветкамі, з вышытымі стылізаванымі малюнкамі раслін, уносіла японскія матывы.

У 1997 годзе Музей Вікторыі і Альберта паказаў дызайн інтэр’еру на выстаўцы Карла Ларсана.

У 2018 годзе выстаўка Carl Larsson and His Home: Art of the Swedish Lifestyle ў Японіі паказала тэкстыль аўтарства Карын і карціны, намаляваныя Карлам.

Нацюрморт з садавіной і кубкам (1877)