Эрэбру

Горад Эрэбру Örebro Краіна Швецыя Лен Эрэбру Каардынаты 59°16′ пн. ш. 15°13′ у. д. Заснаваны 1200 Горад з 1404 Плошча 42,96 км² Вышыня цэнтра 34 ± 1 м Насельніцтва 132277 чалавек (2009) Шчыльнасць 2,287 чал./км² Часавы пояс UTC+1 Тэлефонны код 019 Паштовыя індэксы 701 XX–703 XX Афіцыйны сайт orebro.se (шведск.) Эрэбру на карце Швецыі

Медыяфайлы на Вікісховішчы

Эрэбру (шведск.: Örebro) — горад у Швецыі, прыкладна за 200 км на захад ад Стакгольма, у правінцыі Нерке, адміністрацыйны цэнтр лена Эрэбру і аднайменнай камуны. Насельніцтва — 107 038 чалавек (2010, шостае месца сярод найбуйнейшых гарадоў Швецыі).

Гісторыя

Царква Санкт Нікалаічурка

У XIII стагоддзі Эрэбру атрымаў гарадскія прывілеі. У 1260-х гадах прыкладна на тым месцы, дзе цяпер знаходзіцца замак Эрэбру, была пабудавана фартыфікацыя, якая ў XIV стагоддзі была перабудавана ва ўмацаваны замак. У тым самым стагоддзі пры кляштары Дзевы Марыі ўжо была адчынена школа. У 1434 г. Энгельбрэкт Энгельбрэктсан вызваліў Эрэбру ад датчанаў. У XVI стагоддзі горад становіцца месцам правядзення шэрагу Рыксдагаў, а Карл IX перабудаваў замак у стылі рэнесанс. Два рыксдагі адбыліся ў Эрэбру і ў XIX стагоддзі, а 12 ліпеня 1812 тут быў падпісаны Эрэбрускі мір паміж Англіяй і Расіяй, скіраваны супраць напалеонаўскай Францыі. У 1863 г. была пабудавана новая ратуша. У 1970-х гадах у Эрэбру быў адчынены філіял Упсальскага ўніверсітэта, які ў 1977 г. становіцца Вышэйшай школай, а з 1999 г. — універсітэтам.

Славутасці

Воданапорная вежа «Грыб»

• Замак Эрэбру (XIII стагоддзе)
• Царква Санкт Нікалаічурка (Святога Мікалая, XIII стагоддзе)
• Музей пад адкрытым небам Вадчэпінг (старыя будынкі з Эрэбру)
• Музей лена Эрэбру
• Воданапорная вежа «Грыб» (шведск.: Svampen)
• «Пятнаццаць метраў гісторыі» — пятнаццаціметровая бронзавая і каменная лінія з гістарычнымі датамі, якая размешчана перад статуяй Карла XIV Юхана, вышыня якой таксама 15 метраў.

Спасылкі

• На Вікісховішчы ёсць медыяфайлы па тэме Эрэбру
• Афіцыйны сайт камуны Эрэбру