Карын Тыдбек

Карын Тыдбек
Асабістыя звесткі
Дата нараджэння	6 красавіка 1977(1977-04-06) (47 гадоў)
Месца нараджэння	Стакгольм, камуна Стакгольм, лен Стакгольм, Швецыя
Грамадзянства	Швецыя
Прафесійная дзейнасць
Род дзейнасці	пісьменніца, пісьменнік навуковай фантастыкі, перакладчыца, выкладчык, паэтка
Мова твораў	шведская мова
Медыяфайлы на Вікісховішчы

Карын Тыдбек (шведск.: Karin Margareta Tidbeck; нар. 6 красавіка 1977, Стакгольм, Швецыя) — шведская пісьменніца-фэнтэзі.

Біяграфія

Карын Тыдбек нарадзілася 6 красавіка 1977 года ў Стакгольме. У 2010 годзе дэбютавала як пісьменніца, напісаўшы зборнік навел «Vem är Arvid Pekon?». У 2012 годзе выйшаў яе раман «Amatka». У 2012 годзе выдавецтва Cheeky Frawg апублікавала зборнік апавяданняў «Jagannath», які стаў яе першай працай на англійскай мове і атрымаў станоўчыя рэцэнзіі.

Амерыканскі літаратурны крытык Геры К. Вулф назваў Тыдбек «адным з самых выразных новых галасоў у кароткай мастацкай прозе з часоў Марго Ленеген». У 2012 годзе зборнік увайшоў у спіс прэміі Джэймса Тыптры-малодшага і быў намінаваны на Сусветную прэмію фэнтэзі. Апавяданні «Augusta Prima», першапачаткова напісаныя на шведскай мове, Тыдбек пераклала на англійскую і атрымала прэмію за пераклад навуковай фантастыкі і фэнтэзі (2013 года) у катэгорыі «Кароткая проза».