Катлабуг

Катлабуг
Размяшчэнне
Краіна	Украіна
Катлабуг

Катлабу́г (укр.: Катлабуг) — поймавае возера ў нізоўі Дуная, у Адэскай вобласці Украіны. Ад поймы Дуная аддзелена дамбай, мае рэжым вадасховішча. Водаабмен рэгулюецца шлюзавым каналам, які перасякае дамбу.

Катлавіна падоўжанай формы, з расшырэннем у паўднёвай частцы. Даўжыня 21 км, шырыня ад 1 да 6 км, плошча 67 км². Глыбіня да 4 м.

Паўночныя берагі пясчаныя, месцамі абрывістыя, рассечаны балкамі, паўднёвыя — нізінныя, забалочаныя. Упадаюць рэкі Ташбунар, Вялікі Катлабуг, Еныка.

Тэмпература вады ўлетку да 24-26 °C, зімой возера замярзае. Мінералізацыя вады 1-1,6 г/л.

Пашырана водная расліннасць (асабліва водарасці, лотаці), з рэдкіх відаў расце вадзяны арэх плывучы.

Водзяцца сазан, акунь, шчупак; разводзяць белага амура, таўсталобіка; промысел ракаў. На берагах (асабліва паўднёвых) — месцы гнездавання вадаплаўных і адпачынку пералётных птушак.

Вада выкарыстоўваецца для арашэння.

Літаратура

• Амброз Ю. О. Катлабуг // Географічна енциклопедія України: у 3 т. / редколегія: О. М. Маринич (відпов. ред.) та ін. Т. 2 — К.: «Українська радянська енциклопедія» ім. М. П. Бажана, 1990.