Кляштар дамініканцаў (Ашмяны)

З пляцоўкі Вікіпедыя
Jump to navigation Jump to search
Абраз касцёла Найсвяцейшай Тройцы[1]

Кляштар дамініканцаў - кляштар каталіцкага манаскага ордэна. Заснаваны ў 1667 годзе земскім пісарам А.Пачобут-Адляніцкім ягонай жонкай Даротай з Аборскіх разам з касцёлам Найсвяцейшай Тройцы (зачынены разам з кляштарам ў 1850 годзе) у Ашмянах. Драўляны комплекс быў узведзены ў паўночнай частцы гандлёвай плошчы, па былой вул. Жупранскай. Апошні касцёл пад тытулам Найсвяцейшай Тройцы быў пабудаваны пасля пажару ў 1797 г. Кляштар быў разлічаны на 12 манахаў, пры кляштары дзейнічала школа на 10 вучняў. У гісторыі святыні памятная тра­гічная дата 15 красавіка 1831 г., калі расійскія вайскоўцы пасля сутычкі з паўстанцамі забілі ў горадзе каля 500 жыхароў, якія хаваліся ў касцёле, у тым ліку дзяцей і жанчын. У 1850 г. кляштар быў ліквідаваны, апошнім прыёрам дамініканаў стаў кс. Пётр Ажэхоўскі.

Могілкавая капліца Найсвяцейшай Марыі Панны[2]

У 1872 г. будынак касцёла быў разабраны (на гэтым месцы пабудавана праваслаўная царква) і намаганнямі ашмянскага бурмістра Эльяша Высоцкага і дэкана кс. Казіміра Сайкоўскага перанесены на каталіцкія могілкі ў якасці капліцы. Могілкавая святыня была асвечана пад тытулам Найсвяцейшай Марыі Панны. Капліца ў стылі класіцызм уяўляла сабой прамавугольны ў плане аб’ём, які складаўся з малітоўнай залы, амаль квадратнага прэзбітэрыя і дзвюх сакрыстый, перакрыты адзіным двухсхільным дахам. Галоўны фасад быў пазначаны чатырохкалонным порцікам. Пры савецкай уладзе капліца была зачынена і з часам ператварылася ў руіны. Але у маі 2004 г. пачалася яе рэстаўрацыя.

Крыніцы[правіць | правіць зыходнік]

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.
  1. http://ashmyany.blogspot.com.by/2014/10/blog-post_13.html
  2. http://ashmyany.blogspot.com.by/2014/08/blog-post.html