Комжа

Міністрант-семінарыст, апрануты ў комжу, з кадзілам у руках.

Ко́мжа — аблачэнне рымска-каталіцкіх клірыкаў. Гэта аблачэнне можа быць толькі белага колеру, апранаецца ў час служэння пры алтары або пры выкананні іншых літургічных абавязкаў. Без патрэбы яе апранаць не дазваляецца. Комжа мае шматвекавую традыцыю. З часоў Старазапаветнага Іерусалімскага Храма гэта адзенне пакалення Левітаў, выбраных Богам праз Майсея на служэнне Богу. У час набажэнства Левіты апраналі даволі доўгую туніку, і толькі ў гэтым адзенні яны маглі служыць у час ахвярапрынашэнняў. Цяпер комжу апранаюць у час набажэнства міністранты, якія паслугоўваюць падчас усіх літургічных дзеянняў, ксяндзы, дыяканы, біскупы, кардыналы, Папа Рымскі.

Літаратура

• Завальнюк У.М. Энцыклапедычны слоўнік рэлігійнай лексікі беларускай мовы / У. М. Завальнюк, М. Р. Прыгодзіч, В. К. Раманцэвіч. — Мінск, Изд-во Гревцова, 2013. — 808 с. ISBN 978-985-6954-73-6.