Кірыла-Белазерскі манастыр

Манастыр
Кірыла-Белазерскі манастыр
59°51′26″ пн. ш. 38°22′07″ у. д.
Краіна	Расія  Расійская імперыя  СССР  Маскоўская дзяржава
Месцазнаходжанне	Кірылаў
Канфесія	праваслаўе
Епархія	Diocese of Vologda[d]
Заснавальнік	Cyril of White Lake[d]
Дата заснавання	1397
Статус	Аб’ект культурнай спадчыны РФ № 3510152000
Сайт	kirillov-monastyr.ru
Медыяфайлы на Вікісховішчы

Кіры́ла-Белазе́рскі манасты́р — помнік рускага дойлідства 15—17 ст. Размешчаны ў г. Кірылаве Валагодскай вобласці (Расія) на беразе Сіверскага возера.

Заснаваны ў 1397 г. як мужчынскі.

Комплекс складаецца з ансамбляў былых Успенскага і Іванаўскага манастыроў («Стары горад»), «Новага горада» і крэпасці Астрог (не захавалася) паміж імі.

Манастыр абкружаны крапаснымі сценамі (16 ст., будаўнікі К. Сяркоў, С. Шам) з манументальнымі вежамі, аздобленымі узорамі з цэглы.

На тэрыторыі манастыра Успенскі сабор (1497—98, дойлід Прохар Растоўскі; у інтэр’еры 5-ярусны іканастас 15—18 ст., фрэскі 1641), цэрквы Увядзенская (1519), надбрамная са «Святой брамай» (1523), Архангела Гаўрыіла (1531—34), Вялікія бальнічныя палаты (канец 16 — пачатак 17 ст.) і інш.

З 1924 г. манастыр ператвораны ў музей-запаведнік.

• 
  Успенскі сабор
• 
  Надбрамная Праабражэнская царква
• 
  Святая брама з надбрамнаю царквою Іаана Лесвічніка
• 
  Царква Архангела Гаўрыіла
• 
  Царква Іаана Прадцечы

Літаратура

• Кірыла-Белазерскі манастыр // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — С. 356. — 10 000 экз. — ISBN 985-11-0035-8. — ISBN 985-11-0263-6 (т. 16).
• Варюхичев А. Г. Слово о граде Кириллове. [3 изд.] Архангельск, 1990.

Спасылкі

• На Вікісховішчы ёсць медыяфайлы па тэме Кірыла-Белазерскі манастыр
• Кірыла-Белазерскі манастыр — афіцыйны сайт (руск.)
• Кірыла-Белазерскі музей — афіцыйны сайт (руск.)