Кірыл Ільіч Смоліч

Кірыл Ільіч Смоліч
Кірыл Ільіч Смоліч
Адукацыя	Мінская духоўная семінарыя;
Нараджэнне	9 (21) чэрвеня 1824; Дзяражычы, Дзяражыцкая воласць[d], Рэчыцкі павет, Мінская губерня, Расійская імперыя;
Смерць	21 лютага (6 сакавіка) 1909 (84 гады); Крыжагорск[d], Мінскі павет, Мінская губерня, Расійская імперыя;
Пахаванне	Аколіца;
Узнагароды

Кірыл Ільіч Смоліч (1824, Дзержыцы, Рэчыцкі павет, Мінская губерня — 1909) — святар, протаіерэй.

Біяграфія

Нарадзіўся ў Дзержыцах Рэчыцкага павета Мінскай губерні. Пасля заканчэння ў 1847 годзе Мінскай духоўнай семінарыі пасвечаны ў святары да Успенскай царквы ў Сморках Барысаўскага павета. На прыходзе адкрыў народную школу, дзе сам быў настаўнікам. З 1867 года настаяцель Успенскай царквы ў Крыжагорску (Халяўшчыне) Мінскага павета — былым каталіцкім прыходзе. На прыходзе адкрыў дзве школы — мужчынскую і жаночую. Протаіерэй (1882), пастаянны член Мінскага павятовага Вучэльнага савета (1896), духаўнік благачыннай акругі (1897). У 1908 годзе ў Астрашыцкім Гарадку арганізаваў аддзел Саюза рускага народа.

Пахаваны каля Успенскай царквы ў Крыжагорску, побач з жонкай Сафіяй Філімонаўнай (4 жніўня 1824 — 20 студзеня 1909).

Сярод шматлікіх узнагарод меў ордэны Св. Ганны 2 і 3 ступені, Св. Уладзіміра 4 і 3 ступені, атрымаў спадчыннае дваранства і меў дваранскі герб.