Лаўрынас Івінскіс

З пляцоўкі Вікіпедыя
Jump to navigation Jump to search
Лаўрынас Івінскіс
Laurynas Ivinskis
Laurynas Ivinskis.jpg
Асабістыя звесткі
Дата нараджэння: 15 жніўня 1810(1810-08-15)
Месца нараджэння:
Дата смерці: 17 (29) жніўня 1881 (71 год)
Месца смерці:
Пахаванне:
Грамадзянства:
Прафесійная дзейнасць
Род дзейнасці:
Валодае мовамі: літоўская мова
Commons-logo.svg Выявы на Вікісховішчы

Лаўры́нас Іві́нскіс (Лаўрын Івінскі; літ.: Laurynas Ivinskis; 15 жніўня 1810, вёска Бамбалай, цяпер Кяльмскі раён — 17 (29) жніўня 1881, вёска Мілвідай, цяпер Шаўляйскі раён) — літоўскі пісьменнік, паэт, публіцыст, перакладчык.

Біяграфія[правіць | правіць зыходнік]

Atsišaukimas į brolius lietuvius Lauryno Ivinskio lietuviškos Amerikos Europos draugystės

Быў прыхадскім настаўнікам у Панявежскім павеце і дарэктарам.

Вядомы сваімі календарамі, якія выдаваў з 1847 года па 1864 год і затым у 1877 годзе; 19 з іх на літоўскай мове лацінскім шрыфтам, тры — кірыліцай. Календары Івінскіса ўяўлялі сабой свайго роду альманахі, у якіх, апроч звестак пра царкоўныя святы і кірмашы, даваліся артыкулы і нататкі па сельскай і хатняй гаспадарцы, па медыцыне і ветэрынарыі, а з 1852 года быў уведзены літаратурны аддзел. Календары Івінскіса друкаваліся ў Вільні ў друкарні вядомых віленскіх выдаўцоў і кнігагандляроў Завадскіх. У гісторыі асветы Літвы яго жмудскія календары адыгралі вялікае значэнне; яны замянялі літоўскую прэсу, якая ўзнікла толькі ў год яго смерці.

Пераклаў з нямецкай на літоўскую мову і выдаў у 1858 гісторыю пра Генавева («Genawejte») аўстрыйскага пісьменніка К. Шміда. Зрабіў скарочаны пераклад «Рабінзона Круза» Дэфо. Пакінуў цэлы шэраг ненадрукаваных рукапісаў: «Польска-літоўскі слоўнік», пераклады Мільтана, Ф. Юнга і іншых аўтараў.

Пахаваны ў Куршэнаі. На надмагіллі надпісы на літоўскай і польскай мовах.

У Паўночнай Амерыцы, у Пенсільваніі, пасля яго смерці ўтварылася еўрапейска-амерыканскае таварыства яго імя, якая стваіць мэтай распаўсюджвання ведаў пра літоўскі народ.

Зноскі

Спасылкі[правіць | правіць зыходнік]

Пры напісанні гэтага артыкула выкарыстоўваўся матэрыял з Энцыклапедычнага слоўніка Бракгаўза і Ефрона (1890—1907).