Куршэнай

З пляцоўкі Вікіпедыя
Jump to navigation Jump to search
Горад
Куршэнай
літ.: Kuršėnai
Герб
Герб
Kuršėnai 2.jpg
Краіна
Павет
Раён
Каардынаты
Горад з
Плошча
  • 11,92 км²
Вышыня цэнтра
105 м
Насельніцтва
  • 11 175 чал. (2017)
Часавы пояс
Тэлефонны код
841
Паштовыя індэксы
81001
Афіцыйны сайт
Куршэнай на карце Літвы
Куршэнай (Літва)
Куршэнай

Куршэнай (літ.: Kuršėnai, традыцыйная беларуская назва — Курша́ны) — горад у паўночнай Літве, у Шаўляйскім павеце. Колькасць насельніцтва налічвае каля 14,1 тыс. чалавек. Горад знаходзіцца за 23 км ад Шаўляя. Куршэнай адносіцца да этнаграфічнага рэгіёна Жамойць. Праз горад цячэ рака Вянта. Злучаны аўтамабільнымі дарогамі з Шаўляем, Палангай, Мажэйкеем. Праз Куршэнай праходзяць дзве чыгуначныя лініі: Шаўляй — Крацінга і Шаўляй — Мажэйкей.

Гісторыя[правіць | правіць зыходнік]

Упершыню паселішча ўзгадваецца ў XVI стагоддзі, калі тут размяшчаўся двор вялікіх князёў літоўскіх. У 1523 годзе тут быў пабудаваны першы драўляны касцёл. У 1564 годзе вялікі князь Жыгімонт Аўгуст падараваў Куршаны Зяновічам, але потым яны перайшлі ва ўласнасць Пацаў, якія прадалі Куршаны Грушэўскім. Грушэўскія валодалі Куршанамі да Другой сусветнай вайны. Апошні ўладар быў забіты гітлераўцамі ў Майданаку. Пасля падзелу Рэчы Паспалітай Куршаны трапілі ў склад Расійскай імперыі. Хуткае развіццё паселішча пачалося ў XIX стагоддзі, калі праз Куршаны прайшла Лібава-Роменская чыгунка.

У 1920 годзе Куршаны ўвайшлі ў склад Літоўскай Рэспублікі, але ў 1940 годзе апынуліся ў складзе СССР. Статус горада Куршэнай атрымаў у 1947 годзе, а з 1962 года стаў раённым цэнтрам.

Гістарычна Куршэнай ніколі не валодаў гербам, сучасны герб быў зацверджаны 24 кастрычніка 1994 года.

Спасылкі[правіць | правіць зыходнік]