Леакадыя Іванаўна Богдан

Леакадыя Іванаўна Богдан
Леакадыя Іванаўна Богдан
Дата нараджэння	5 мая 1931
Месца нараджэння	Ліпшчаны[d], Гміна Ліпск, Аўгустоўскі павет, Беластоцкае ваяводства, Польская Рэспубліка;
Дата смерці	26 ліпеня 1999 (68 гадоў)
Месца смерці	Кулакоўшчына, Раціцкі сельсавет, Гродзенскі раён, Гродзенская вобласць, Беларусь;
Грамадзянства	Польская Рэспубліка; СССР; Беларусь;
Узнагароды і прэміі	;

Леакадыя Іванаўна Богдан (5 мая 1931, в. Ліпшчаны, зараз Падляскае ваяводства — 26 ліпеня 1999, в. Кулакоўшчына, Гродзенскі раён, Гродзенская вобласць) — дэпутат Вярхоўнага Савета БССР (1963—1967), Герой Сацыялістычнай Працы (1966)^[1].

Біяграфія

Нарадзілася 5 мая 1931 года ў в. Ліпшчаны Беластоцкага ваяводства Польскай Рэспублікі.

Пасля заканчэння школы з 1949 па 1956 годы працавала закаркавальніцай бутэлек на Гродзенскім піваварным заводзе, пазней пераехала ў вёску^[2].

З 1957 года — свінарка саўгаса «Пагранічнік» у в. Кулакоўшчына Гродзенскага раёна. Званне Героя прысвоена за поспехі ў развіцці жывёлагадоўлі, павелічэнні вытворчасці і нарыхтовак сельскагаспадарчай прадукцыі. Дэпутат Вярхоўнага Савета БССР у 1963—1967 гадах^[1].

Працягвала працаваць свінаркай у саўгасе (пазней пераўтвораны ў калгас «Чырвоны барацьбіт») да выхада на пенсію.

Памерла 26 ліпеня 1999 года ў в. Кулакоўшчына Гродзенскага раёна Гродзенскай вобласці.

↑ ^а ^б Богдан Леокадия Ивановна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 63. — 737 с.
↑ Богдан Елена Ивановна