Леапольд Купельвізер

Леапольд Купельвізер
ням.: Leopold Kupelwieser
Дата нараджэння	17 кастрычніка 1796(1796-10-17)[…]
Месца нараджэння	Маркт-Пістынг[d], Вінер-Нойштат[d], Ніжняя Аўстрыя, Аўстрыя
Дата смерці	17 лістапада 1862(1862-11-17)[…] (66 гадоў)
Месца смерці	Вена, Аўстрыйская імперыя
Месца пахавання	Грынцынгскія могілкі[d]
Грамадзянства	Аўстрыя
Жонка	Johanna Kupelwieser[d]
Дзеці	Paul Kupelwieser[d] і Franz Kupelwieser[d]
Род дзейнасці	мастак
Вучоба	Венская акадэмія выяўленчых мастацтваў Akademisches Gymnasium[d]
Уплыў	Franz Anton von Zauner[d]
Уплыў на	Georg Martin Ignaz Raab[d], Jovan Popović[d] і August von Medvey[d]
Узнагароды
Медыяфайлы на Вікісховішчы

Леапольд Купельвізер (ням.: Leopold Kupelwieser; 17 кастрычніка 1796, Маркт-Пістынг, Ніжняя Аўстрыя — 17 лістапада 1862, Вена) — аўстрыйскі жывапісец перыяду позняга рамантызму.

Біяграфія

У раннім узросце выяўляў незвычайныя мастацкія здольнасці, спачатку ў пластычных працах. Вядомы скульптар венскай акадэміі прафесар Антон Заўнер прызнаў талент Л. Купельвізера, і ў 1809 годзе ён быў прыняты ў Венскую акадэмію выяўленчых мастацтваў, дзе спецыялізаваўся ў жывапісе.

Паміж 1823 і 1825 гадамі мастак быў кампаньёнам рускага арыстакрата Аляксея Бярэзіна. У 1823 г. накіраваўся вывучаць жывапіс у Рым. Тут ён прысвяціў сябе паглыбленаму вывучэнню фрэскі і стаў членам групы мастакоў «Назарацянін», якія ўспадкоўвалі майстрам нямецкага жывапісу 16 стагоддзя і чэрпалі натхненне ў творах мастакоў пачатку італьянскага Адраджэння.

Вярнуўшыся на радзіму, заняўся стварэннем алтароў і роспісам цэркваў. З 1836 — прафесар гістарычнага жывапісу Венскай акадэміі, сярод яго вядомых вучняў — Георг Рааб і Ёван Попавіч.

З 1840 года спецыялізуецца ў манументальным жывапісе. За гэтыя гады ён стварыў сабе рэпутацыю рэлігійнага жывапісца.

Працаваў над упрыгожаннем шматлікіх сталічных храмаў і стварэннем шматлікіх алтароў і царкоўных фрэсак па ўсёй Аўстрыйскай імперыі. Напрыклад, ім выкананы фрэскі для царквы Яна Непамуцкага ў Вене, карцін для шэрагу дзяржаўных устаноў у Ніжняй Аўстрыі (1848—1850).

Быў сябрам кампазітара Франца Шуберта.

Творчая спадчына мастака Л. Купельвізера — карціны і фрэскі на рэлігійныя сюжэты, пейзажы, гістарычныя сцэны, партрэты, сярод іх і венцаносцаў Аўстрыйскай імперыі.