Леканора

Леканора
Леканора разнастайная (Lecanora allophana)
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Lecanoromycetes Падклас:  Lecanoromycetidae Парадак:  Леканаральныя Сямейства:  Леканоравыя Род:  Lecanora
Міжнародная навуковая назва
Lecanora Ach., 1809
Даччыныя таксоны
Гл. Віды роду Lecanora
Сістэматыка на Віківідах Выявы на Вікісховішчы ITIS   14015 NCBI   39934 EOL   16587 MB   2687

Леканора (Lecanora) — род накіпных лішайнікаў сямейства Lecanoraceae.

Апісанне

Слаявіна аднастайна накіпная, гладкая, зярністая або бародаўкавая, суцэльная або арэаляваная да рассеянага ў выглядзе асобных грудкоў або лускавінак, нярэдка непрыкметнае. Расце на розных субстратах; прымацоўваецца да субстрату гіфамі падслаявіны або асяродкавага пласта. Слаявіна гетэрамерная. Верхні коркавы пласт звычайна добра развіты.Апатэцыі сядзячыя, з плоскім або выпуклым, рэдка злёгку ўвагнутым дыскам, звычайна акружанымі слаявінавым краем, нярэдка пазней знікаючым. Часам вакол дыска, акрамя слаявінавага, утвараецца і ўласны край. Гіпатэцый бескаляровы або слаба афарбаваны. Сумка з 8 (рэдка 16-32) спорамі. Споры аднаклетачныя, бясколерныя, ці амаль верацёнападобныя, прамыя, з тонкай абалонкай. Пікнаканідыі ніткападобныя, прамыя або выгнутыя.

Фотабіёнт — водарасці роду пратакокус (Protococcus).

Віды хімічна разнастайныя і ўтрымліваюць многія другасныя метабаліты.

Пашырэнне

Каля 300 відаў, шырока распаўсюджаных у абодвух паўшар’ях. Багата прадстаўнікоў роду ва ўмераных рэгіёнах Галарктыкі. Лішайнікі развіваюцца на кары дрэў, камяністым субстраце, драўніне, імхах, раслінных рэштках, радзей на глебе. У Беларусі часта сустракаюцца: леканора разнастайная (Lecanora allophana), леканора грабавая (Lecanora carpinea), леканора пяшчотная (Lecanora chlarotera), леканора мяшаная (Lecanora symmicta), леканора бахромчатаносная (Lecanora thysanophora), леканора зменлівая (Lecanora varia).

Класіфікацыя

Паводле базы даных Catalogue of Life род ахоплівае 309 відаў. Некаторыя вядомыя віды:

• Lecanora albella (Pers.) Ach., 1810
• Lecanora albellula (Nyl.) Th. Fr.
• Lecanora allophana Nyl. — Леканора разнастайная
• Lecanora argentata, ці Lecanora subfuscata (Ach.) Malme, 1897 — Леканора карычняватая
• Lecanora chlarotera Nyl.
• Lecanora hagenii (Ach.) Ach., 1810
• Lecanora saligna (Schrad.) Zahlbr., 1928
• Lecanora symmicta (Ach.) Ach., 1814
• Lecanora varia (Hoffm.) Ach., 1810 — Леканора зменлівая

Літаратура

• Жизнь растений : в 6 т. / гл. ред. Ал. А. Фёдоров. — М. : Просвещение, 1977. — Т. 3 : Водоросли. Лишайники / под ред. М. М. Голлербаха. — С. 460. — 487 с. — 300 000 экз.
• Голубкова Н. С. Определитель лишайников средней полосы европейской части СССР. — М.—Л.: Наука, 1966. — С. 157—158. — 257 с. — 2 000 экз.
• Горбач Н. В. Лишайники Белоруссии. Определитель. — Мн: Наука и техника, 1973. — С. 193. — 368 с. — 2 000 экз. Архівавана 9 красавіка 2022.
• Определитель лишайников СССР / отв. ред. И. И. Абрамов. — Л.: Наука, 1971. — Т. 1. Петрузариевые, Леканоровые, Пармелиевые. — С. 72. — 412 с.
• Томин М. Л. Определение корковых лишайников Европейской части СССР (кроме Крайнего севера и Крыма) / Редактор академик АН СССР В. Ф. Купревич. — Минск: Академия наук Белорусской ССР, 1956. — С. 364. — 535 с. — 2 000 экз. Архівавана 21 лютага 2023.
• Edwards B., Aptroot A., Hawksworth D. L. & James P. W. Lecanora // The lichens of Great Britain and Ireland / C. W. Smith, A. Aptroot, B.J. Coppins [et al.]. — London: British Lichen Society, 2009. — P. 465—467. — 1046 p.

Спасылкі

• ЛЕКАНОРА на сайце анлайн-энцыклапедыі «Беларуская энцыклапедыя»