Лептабоцыя манчжурская

З Вікіпедыі, свабоднай энцыклапедыі
Лептабоцыя манчжурская
Навуковая класіфікацыя
Міжнародная навуковая назва

Leptobotia mantschurica


Сістэматыка
на Віківідах

Выявы
на Вікісховішчы
ITIS  640135
NCBI  357286
EOL  611798

Лептабоцыя манчжурская (Leptobotia mantschurica) — рыба сямейства ўюновых, род Лептабоцыя.

Характэрныя прыкметы[правіць | правіць зыходнік]

Цела падоўжанае, пакрытае прыкметнай луской. Пад вокам шып, які нясе пры падставе маленькі зубчык. Вусікаў 6: 4 на канцы лыча і 2 ў кутках рота. Ноздры збліжаныя, перагародка паміж імі выцягнутая ў кароткую лопасць. Галава сціснутая з бакоў, лыч падоўжаны, завостраны. Рот атачоны мясістымі вуснамі. Спіна зялёна-жоўта-белая, бакі серабрыстыя, часам крыху залацістыя. На целе няправільнай формы плямы, якія ствараюць цёмныя палоскі. Спінны і хваставы плаўнікі маюць такі жа колер, як і спіна, з некалькімі шэрагамі плямаў. Ля падставы хваставога плаўніка яркая чорная пляма. Плавальны пузыр мае невялікую вольную частку. Даўжыня цела да 20 см. Лад жыцця недаследаваны.

Распаўсюджанне[правіць | правіць зыходнік]

Басейн Амура (ад Благавешчанска да лімана).

Гаспадарчае значэнне[правіць | правіць зыходнік]

Не мае гаспадарчага значэння.

Літаратура[правіць | правіць зыходнік]

  • В. Д. Лебедев, В. Д. Спановская, К. А. Савваитова, Л. И. Соколов, Е. А. Цепкин. Рыбы СССР. Под ред. Г. В. Никольского и В. А. Григораш. — М., изд-во «Мысль», 1969—447 с.