Літаратурна-мемарыяльны музей Д. Н. Маміна-Сібірака

З Вікіпедыі, свабоднай энцыклапедыі
Літаратурна-мемарыяльны музей Д. Н. Маміна-Сібірака
Заснаваны 1979
Адкрыты 1979
Месцазнаходжанне Сцяг Расіі Вісім
Праезд Аўтобус 114,1060
Адкрыты 1979
historyntagil.ru/people/…
Лагатып Вікісховішча Медыяфайлы на Вікісховішчы

Літаратурна-мемарыяльны музей Д. Н. Маміна-Сібірака — музей рускага пісьменніка-класіка Дзмітрыя Наркісавіча Маміна-Сібірака, адкрыты ў 1979 годзе ў доме бацькі пісьменніка Наркіса Мацвеевіча Маміна ў пасёлку Вісім у Свярдлоўскай вобласці ў прыгарадзе Ніжняга Тагіла. Знаходзіцца на вуліцы Маміна-Сібірака, 9. Музей з'яўляецца часткай ніжнетагільскага музейнага аб'яднання Музей-запаведнік «Горназаводскі Урал».

Гісторыя[правіць | правіць зыходнік]

Музей адкрыты ў доме Наркіса Мацвеевіча Маміна — бацькі рускага пісьменніка Дзмітрыя Наркісавіча Маміна-Сібірака ў пасёлку Вісім у 1979 годзе. Тут пісьменнік нарадзіўся і правёў сваё дзяцінства і юныя гады (1852—1868 гг.). Па тэстаменце дачкі пісьменніка Алены Дзмітрыеўны Мамінай у 1946 годзе ў доме, дзе жыў Д. Н. Мамін-Сібірак у Екацярынбургу быў адкрыты Літаратурна-мемарыяльны дом-музей Д. Н. Маміна-Сібірака, а ў 1959 годзе ў родным доме пісьменніка ў п. Вісіме адкрылі яго памятны пакой[1]. У 1979 годзе памятны пакой быў ператвораны ў дом-музей Д. Н. Мамчына-Сібірака ў гонар вялікага рускага пісьменніка. У 2002 годзе пасля маштабнай рэканструкцыі вісімскага дома-музея пісьменніка была адкрыта новая экспазіцыя.

Экспазіцыя[правіць | правіць зыходнік]

Музей складаецца з памяшканняў кухні, спальні і кабінета бацькі пісьменніка Н. М. Маміна. Усе інтэр'еры былі ўзноўлены па ўспамінах самога пісьменніка і яго сям'і. У мемарыяльных пакоях вісяць партрэты бацькоў пісьменніка Ганны Сямёнаўны і Наркіса Міхайлавіча Маміных, а таксама яго брата і сяброў. У экспазіцыі сабраны шмат лістоў пісьменніка. У літаратурнай частцы музея сабраны самыя вядомыя творы Д. Н. Маміна-Сібірака.

Апроч гэтага ў музеі пададзена экспазіцыя побыту і гісторыі Вісіма-Шайтанскага завадскога пасёлка, з якім былі злучаны жыццё і творчасць пісьменніка. У экспазіцыі захоўваюцца сапраўдныя прадметы побыту жыхароў пасёлка, даўнейшыя прылады, адзенне XIX стагоддзя, карціны і скульптуры ўральскіх мастакоў. У дыяраме ёсць Вісіма-Шайтанскі завод з пасёлкам[2].

Зноскі

  1. ↑ Знаменитые люди
  2. ↑ http://gotoural.com/posts/336 Архівавана 13 красавіка 2015.

Спасылкі[правіць | правіць зыходнік]

Узята з "https://be.wikipedia.org/w/index.php?title=Літаратурна-мемарыяльны_музей_Д._Н._Маміна-Сібірака&oldid=4707229"