Маладзёжная арганізацыя «Фаланстэр»

З пляцоўкі Вікіпедыя
Jump to navigation Jump to search
Фаланстэр
Falanster logo.svg
Місія Дапамагаем стварыць больш аўтаномнае і дынамічнае грамадства праз адкрытые і свабодные лічбавыя тэхналогіі
Дата заснавання 23 снежня 2010
Тып сацыяльная сфера, сацыяльныя навацыі, асвета
Старшыня Праўлення Міхаіл Волчак
Сайт falanster.by

Моладзевая арганiзацыя "Фаланстэр" — моладзевая арганізацыя, заснаваная ў канцы 2010 года ў Мінску, з'явілася як працяг ініцыятывы супольнасці «Забей».

English version

Мэты[правіць | правіць зыходнік]

Арганізацыя ставіць перад сабой наступныя мэты:

  1. Пашырыць выкарыстанне свабоднага кода і кантэнта, а таксама жалеза сярод грамадскіх арганізацый, афіцыйных інстытутаў, супольнасцяў і грамадзян.
  2. Узмацніць тэматычныя і лакальныя супольнасці лічбавымі ведамі пра кіраванне сваёй інфраструктурай.
  3. Актуалізаваць гуманітарныя і тэхнічныя веды грамадскіх арганізацый, супольнасцяў і грамадзян, каб актывізаваць грамадства да больш актыўнага ўдзелу ў прыняцці рашэнняў усіх узроўняў і стварэнні законаў.

Па дадзеных афіцыйнай старонкi, арганiзацыя шануе iнаватыўнасць, аўтаномнасць, калектывізм, адкрытасць, узаемадапамогу, уключанасць i сацыяльную роўнасць сярод удзельнiкаў і партнёраў[1].

Дзейнасць[правіць | правіць зыходнік]

Асноўныя кiрункi дзейнасці:

  • захаванне адкрытых і свабодных ведаў,
  • дапамога розным супольнасцям у наладжваннi ўнутраных камунікацый з выкарыстаннем адкрытага праграмнага забеспячэння,
  • падтрымка юрыдычных інструментаў, якія дапамагаюць абараняць веды ад пагроз,
  • арганізацыя інтэлектуальных публічных мерапрыемстваў, узаемадзейнічаючы з рознымі супольнасцямі і групамі,
  • ўплыў на сацыяльнае, культурнае, эканамічнае і палітычнае жыццё краіны.

Арганізацыя з'яўляецца сузаснавальнікам Young Pirates of Europe

Праекты і клубы[правіць | правіць зыходнік]

Днём заснавання арганізацыі "Фаланстэр" з'яўляецца 23 снежня 2010 года. Менавіта ў гэты дзень быў пакладзены пачатак дзейнасці нашай арганізацыі, накіраванай на маладое насельніцтва Рэспублікі Беларусь. За ўвесь гэты час на базе "Фаланстэра" iснаваў шэраг адукацыйных клубаў, некаторыя з якіх больш не працуюць.[2]

Праекты "Фаланстэра" — увасабленне розных кiрункаў дзейнасцi арганiзацыi з мэтай уплыву на сацыяльнае, культурнае, эканамічнае і палітычнае жыццё грамадства. Праекты "Фаланстэра" будуюцца паводле прынцыпаў адкрытых супольнасцяў. Усё матэрыялы арганізацыі трымаюцца капілефт-падыходу і публікуюцца пад ліцэнзіяй Creative Commons BY-SA (3.0 ці 4.0)

«Фаланстэр» сёння[правіць | правіць зыходнік]

Моладзь нашай краіны прымае актыўны ўдзел у дзейнасці арганiзацыi. Найбольш актыўна развіваюцца такія праекты як Дойка, Лічбавая Майстэрня, Гік-лаўка, Градка, Куток раварыста, Улазіны.

Фаланстэр з'яўляецца акрэдытаванай арганізацыяй EVS, заснавальнікам Юзэр-групы вікі супольнасці, сузаснавальнікам Маладых Піратаў Еўропы, членам Пірацкага Інтэрнацыянала[3], філіялам Creative Commons[4], удзельнікам сеткі WebWeWant і актыўна вядзе міжнародную дзейнасць.

2017-2018[правіць | правіць зыходнік]

Doika - распрацоўка модуля прыёма ахвяраванняў для некамерцыйных арганізацый. Напачатку каманда правяла даследванне наяўнасці падобнага рашэння, аналагаў, склалi дакументацыю для распрацоўкі. Сёння на сайце Фаланстэра можна знайсці дакументацыю для ўсталеўкі + спасылку на код апошняй версіі і пратэсціраваны модуль. У маі 2018 года Фаланстэр перамог у хакатоне на паляпшэнне функцыянала[5][1]. Распрацоўка працягваецца.

Гік-лаўка

Гік-лаўка - Фаланстэр адкрыў інтэрнэт-краму, дзе можна набыць гікаўскія цішоткі, значкі, паштоўкі і замовіць DIY-майстарклас. 30 чэрвеня 2018 г. Фаланстэр прыняў удзел у фестывалі Асамблеі НДА “Наш дзень”[6].

Falanster Speaking Club (4 сезон) - адчынілі новы сезон размоўнай англiйскай мовы для ўсіх жадаючых. Падчас клуба падымаліся ўсеагульныя тэмы, пашыраліся веды пра дзейнасць Фаланстэра сярод звычайных грамадзян.

Улазіны 2.0 - Фаланстэр гатовы дзяліцца сваімі рэсурсамі (памяшканне, праектар,...) як з асобнымі актывістамі, так і грамадскімі і камерцыйнымі ініцыятывамі ў свабодны час на ўстойлівай аснове.

Мапа грамадскіх ініцыятыў - опенсорсная карта, якая служыць фарміраванню большай бачнасці розных грамадскіх ініцыятыў ды арганізацый для грамадства. Даследванне мэтавых аўдыторый, планаванне, пошук рэсурсаў, каманды і перамовы з партнерамі[7].

Куток раварыста - валанцёрская ініцыятыва Фаланстэра па рэмонту ровараў, створаная для падтрымкі роварнай супольнасці ды росту камунікацыі паміж раварыстамі.

Таксама адбылося наведванне Крулеўшчынскай СШ для правядзення азнаямляльнай сустрэчы па працы з Вікі-тэхналогіямі[8]. А яшчэ ў Капылі з 11-17 ліпеня "Фаланстэр" удзельнічаў у Вікі-летніку, на якім можна было падзяліцца досведам з іншымі вікіпедыстамі[9].

2016[правіць | правіць зыходнік]

Вікіфiкацыя

Вікіфiкацыя - праект арганiзацыi, напраўлены на ўмацаванне вікіпедыйнай супольнасці Беларусi (мерапрыемствы ў розных гарадах i мястэчках краiны[10], прыцягненне валанцёраў[11][12][13], праца з медыя-прасторай і піярам дадзенага кiрунка).

Перыядычна "Фаланстэр" ладзіць Вікі-дні, мэта якіх развіццё і прасоўванне адкрытых ведаў, а таксама дадаванне артыкулаў і рэдагаванне беларускага раздзелу Вікіпедыі.[14] Акрамя гэтага "Фаланстэр" удзельнічаў у:

- Дні нараджэння грамадскага праекта "Гараж 38" (29.06.2016) [15]

А таксама праводзіў розныя мерапрыемствы, такія як:

- Вікі-экспедыцыя пры наведванні аграгарадка Ходасы[16]

- Стварэнне онлайн-маркета валанцёрскага абмену[17]

У 2016 г. скончана праца па стварэннi «Вікі-дапаможніка» - брашуры-iнструкцыi для пачаткоўцаў — рэдактараў Вікіпедыі[18]

Арганiзацыя падтрымлiвае мiжнародны конкурс "Віківясна-2016"[19]

"Фаланстэр" унёс вялікі ўклад у развіццё беларускамоўнай "Вікіпедыі", наведваючы школы і дапамагаючы ўсім зацікаўленым асобам карыстацца рэсурсам і развіваць яго[20][1].

Удзел "Фаланстэра" ў ЕВС руху[21]

19 кастрычніка 2016 года Фаланстэр атрымаў акрэдытацыю Еўрапейскай валанцёрскай службы ад праграмы Эразмус+. Гэта значыць, што арганiзацыя мае права прымаць валанцёраў з краін Еўропы і дасылаць беларускіх валанцёраў на розныя еўрапейскія праекты.

Мэта ўдзелу Фаланстэра ў ЕВС руху: спрыяць узмацненню лакальных некамерцыйных арганізацый, развіццю міжнароднага валанцёрства, абмену досведам сярод моладзі і нефармальнай адукацыі.

Кухня Фаланстэра - інфармаванне супольнасці Фаланстэра і яе прыхільнікаў пра справы ўнутры арганізацыі праз невялікія відэа. За год выйшла 17 выпускаў[22].

Лічбавая Майстэрня - гэта праект закліканы дапамагчы грамадскім арганізацыям ды ініцыятывам палепшыць сваю лічбавую інфраструктуру (ствараць, адрэмантаваць ці палепшыць вэб-сайты, навучыць выкарыстоўваць розныя вэб-сэрвісы). Усі лічбавыя запыты грамадскіх арганізацый і ініцыятыў выконваюцца ІТ-валанцерамі добраахвотна ці pro-bono[23][24]. Працяг па сёняўні дзень.

2015[правіць | правіць зыходнік]

Мэш-клуб - клуб па вывучэннi і развіццi вайфай і мэш-сетак у беларускiм грамадстве. На сустрэчах клуба разглядаецца пабудова вайфай-сетак, даследуюцца мэш-тэхналогіі i iх практычнае прымяненне.

Ars nova. Лічбавае мастацтва - клуб па вывучэннi opensource графічных праграм. На сустрэчах клуба засвойваецца праца з адкрытымі графічнымі прыладамі Gimp i InkScape.

2014[правіць | правіць зыходнік]

«Дапаможнік раварыста»

Прэзентацыя брашуры «Дапаможнік раварыста» ў Мінску

У межах клуба «Феміда Фаланстэра» ў 2013 г. быў створаны «Дапаможнік раварыста», мэта якога прыцягнуць увагу грамадства да праблемаў веласіпеднага руху Беларусi. Прэзентацыя брашуры адбылася ў Мінску.[25]

"Дапаможнік" выдадзены пад свабоднай ліцэнзіяй Creative Commons і даступны да загрузкі на дзвюх мовах.[26]

У 2014 г. была створана новая версiя «Дапаможніка раварыста». Падчас працы над праектам да яго далучылася некалькі дзясяткаў валанцёраў. У гэтым годзе "Дапаможнік" быў прэзентаваны ў шэрагу гарадоў (Мінску, Гомелi, Магiлёве, Брэсце, Гродне, Вiцебску, Бабруйску).[27][28][29][30][31]

У 2014 г. запушчана кампанія «Мяняй правілы!». Яе сутнасць заключаецца ў матывацыі грамаядзян да электроннага ўдзелу грамадства ў супольных справах і вырашэнні агульных праблем на прыкладзе веласупольнасці.[32]

800x600 - клуб, які займаецца асветай людзей на прасунутым узроўні валодання камп’ютарам. На базе клуба разглядаюцца:

  • адкрытыя аперацыйныя сістэмы,
  • праграмы з адкрытым зыходным кодам,
  • гульні па-за залежнасцю ад платформы,
  • цікавыя девайсы.

Інструмент Удзелу

Інструмент Удзелу - распрацоўка платформы для сумеснага стварэння правілаў, законаў, вызначэння пазіцыі супольнасцяў людзей, прыняцця законапраекта альбо іншага рашэння ўсімі зацікаўленымі бакамі. Рашэнне выкладзена на гітхабе Фаланстэра, яго можна спампаваць і разгарнуць.

Удзел у Руху адкрытых дадзеных У 2014 г. "Фаланстэр" далучыўся да сусветнага Дня руху за Адкрытыя дадзеныя для абмену досведам і абмеркавання бягучых падзей.[33][34][35][36]

Вікіфiкацыя. Прасоўванне тэхналогій і прынцыпаў Wiki сярод беларускага грамадства, умацаванню ведаў на беларускай мове, распаўсюду прынцыпаў самакіравання.

Філіял Творчыя Суполкі

Poster for open CC affiliate in Belarus

У жніўні 2014 года адбылося адкрыццё філіяла Творчых Суполак (Creative Commons) у Беларусi. "Фаланстэр" выступае як інфраструктурная арганізацыя філіяла. Філіял займаецца вывучэннем праблем, звязанных з аўтарскім правам, таксама магчымасці прымянення Creative Commons, GNU GPL і інш, таксаме папулярызуе выкарастанне публічнага ліцэнзавання твораў сярод аўтараў, праводзіць публічныя лекцыі па асновах аўтарскага права і афармлення розных прац у Сеціве.[37][38]

Hradka. Фаланстэр - філіял Creative Commons у Беларусі. Прасоўванне ліцэнзій Creative Commons сярод аўтараў твораў.

Практыка ў Фаланстэре - студэнты беларускіх вузаў маюць магчымасць прайсці практыку (або стажыроўку)[39] па гуманітарным і тэхнічным накірункам, напісаць курсавую альбо дыпломную працу.

2013[правіць | правіць зыходнік]

Феміда Фаланстэра — клуб па вывучэнні права. Адміністрацыйнае, крымінальнае, аўтарскае права, капірайт і правы чалавека — асноўныя тэмы. Падчас дзейнасці клуба быў створаны «Дапаможнік раварыста», мэта якога прыцягнуць увагу грамадства да роварнага руху ў Беларусi, у тым ліку заканадаўчых сваеасаблівасцяў. У 2014 г. была выдадзена новая версiя.

Linux-клуб — клуб па вывучэнні адкрытай аперацыйнай сістэмы Linux і іншых opensource прыкладанняў. На сустрэчах клуба разглядаюцца тэарэтычныя пытанні і вырашаюцца практычныя задачы, якiя паўстаюць падчас працы з Linux-сiстэмамi.

База ведаў (сучасны буккросінг Фаланстэра) - бібліятэка гістарычнай, філасофскай, палітычнай і сучаснай мастацкай і публіцыстычнай літаратуры на полке Фаланстэра.

Пірацкі Цэнтр - супольнасць актыўных людзей, якія выступаюць за свабоду ведаў, рэформу капірайта, прыватнасць персанальнай інфармацыі і празрыстае кіраванне грамадствам[3].

2012[правіць | правіць зыходнік]

Wild.de - клуб рыторыкі нямецкай мовы.

The Falanster’s Speakers Club - развіцце навыкаў паблічных выступаў на англійскай мове і павышэнне ўзроўня маўлення.[40] Асноўныя прынцыпы клуба:

  • адукацыя, якая кіруецца навучэнцамі, а не выкладчыкамі,
  • ролевая структура для актыўнага ўдзела кожнага навучэнца,
  • самастойнае абіранне формы і фармата навучання (выступы, дэбаты, пастаноўкі і г.д.),
  • праца ў камандзе і ўзаемадапамога,
  • ацэнка сваіх поспехаў на падставе самастойна распрацаваных крытэраў.

2011[правіць | правіць зыходнік]

Кібер Кіно. Кінабункер

Кібер Кінабункер - клуб аматараў лічбавых тэхналогіяў у сучасным жыцці. На сустрэчах клуба праглядаюцца стужкі на тэму кіберпанку, антыўтопіяў і камп’ютараў, абмяркоўваюцца тэмы праглядаў, развіваюцца магчымыя сцэнары бачання будучыні Беларусi ў глабалізаваным лічбавым свеце.

Гурток па эканоміцы, сутнасць якога складалася ў вывучэнні сучасных тэндэнцыій у эканоміцы і пошуку шляхоў выйсця з эканамічнага крызіса.

Турнір Пассіанарыеў - футбольны турнір, прысведчаны пассіанарыям - героям Беларусі.

Першы Друпал Дзень у Мінску

Drupal-клуб — клуб па вывучэннi сістэмы сайтабудаўніцтва Drupal. Падчас дзейнасці клуба было рэалізавана некалькі сайтаў для некамерцыйных праектаў — Пірацкі Цэнтр[3] і Каталог могілак. Апроч таго, Drupal-клуб праводзіць Drupal-злёты і адзначае Глабальныя дні вывучэння Drupal.

Drupal-злёт — мерапрыемства, мэтай якога з'яўляецца развiццё Drupal-супольнасцi Беларусi. У 2011 годзе быў праведзены першы Drupal-злёт, які сабраў каля 70 IT-спецыялістаў. У 2012 годзе на Drupal-злёце[41] было рэалізавана некалькі кірункаў: пераклад модуляў на беларускую мову, у межах хакатона створаны сайт некамерцыйнай ініцыятывы Niekropali.by.[42]

Футбольны Турнір нефармалаў 2. Удзельнічала 29 каманд з розных гарадоў краіны і лакальных турніраў. Асобны праект і кірунак дзейнасці — развіццё лакальных супольнасцей.Турнір Нефармалаў прызваны актуалізаваць і развіць дваровы футбол сярод аматарскіх каманд.[43]

Знешнія спасылкі[правіць | правіць зыходнік]

Глядзець яшчэ[правіць | правіць зыходнік]


Галерэя[правіць | правіць зыходнік]

Зноскі[правіць | правіць зыходнік]

  1. 1,0 1,1 1,2 Беларускія банкі бяруць грошы нават за ахвяраванні
  2. Образовательные клубы молодежной организации Фаланстер: переступи через собственные стереотипы
  3. 3,0 3,1 3,2 Пірацкі Цэнтр Беларусі
  4. Belarus Creative Commons
  5. Белорусы заняли три из четырех призовых мест на международном хакатоне
  6. Удзел у фэсце НДА “Наш дзень” (чэрвень 2018)
  7. Удзел у форуме германска-беларускіх НДА (лістапад-снежаць 2018)
  8. "Родныя вытокі", 4.01.2017, №2(8775)
  9. У "Вікіпедыі" — амаль 150 тысяч артыкулаў на беларускай мове
  10. Білоруські, українські, молдовські та башкирські вікіпедисти зустрілися в Мінську. wikimediaukraine.wordpress.com. Праверана 5 красавiка 2016 года.(укр.) 
  11. Спрычыніцца да вопыту чалавецтва: у Мінску ахвотных вучаць пісаць артыкулы ў Вікіпедыю. eurobelarus.info/. Праверана 9 красавiка 2016 года.(бел.) 
  12. Вікіфікацыя ў Дзень ведаў. budzma.by/. Праверана 9 красавiка 2016 года.(бел.) 
  13. Кто здесь правит?. zn.sb.by/. Праверана 5 красавiка 2016 года.(руск.) 
  14. Вікі-дзень у Фаланстэры
  15. Проектов, подобных «Гаражу 38», должно быть больше
  16. Википедия и фаланстеры "Святло Кастрычніка"
  17. ІТ-валанцёры: як адэпты новых тэхналогій прасоўваюць грамадскія інцыятывы
  18. Валянтэры здалі ў друк беларускамоўны Вікі-дапаможнік. www.svaboda.org/. Праверана 5 красавiка 2016 года.(бел.) 
  19. Распачаўся конкурс «ВікіВясна-2016». budzma.by/. Праверана 5 красавiка 2016 года.(бел.) 
  20. Святло кастычніка, раённая газета Мсціслава, нумар 58, 2017 год
  21. European Youth Portal
  22. Кухня Фаланстэра
  23. «Бухгалтер стала тестировщиком в 54 года». В БГУ прошел День программиста
  24. «Когда зарплата три штуки, можно и поволонтёрить». Чем занимаются ИТ-волонтёры в Минске и как им помочь
  25. Ці магчыма роварная ўтопія ў Беларусі?
  26. Я буду долго гнать велосипед? // 7 дней № 28 от 11 июля 2013 года
  27. Фаланстер презентовал обновленную версию «Помощника велосипедиста»
  28. Рэпартаж з Гародні. Радыё Рацыя
  29. «Изменяй правила!». В Витебске презентовали «Помощник велосипедиста 2.0»
  30. Велосипедисты будут менять правила.
  31. «Дапаможнік раварыста» едзе ў тур па Беларусі
  32. Як размаўляць з чыноўнікамі і змяніць правілы для ровараў. greenbelarus.info. Праверана 9 красавiка 2016 года.(бел.) 
  33. Open data: якія сакрэты шукаюць актывісты ў публічных дакументах
  34. День открытых данных в Минске
  35. Як адкрыць для беларусаў адкрытыя дадзеныя?
  36. Обновился сайт "Узнагароды Беларусі"
  37. Презентация белорусского филиала Творческих Общин
  38. Creative Commons объявляет о начале работы CC Беларусь
  39. Стажировка в Falanster
  40. Falanster’s English Speakers Club: Другі сезон клуба рыторыкі
  41. В Минске пройдет очередной Drupal-слет 15-16 декабря
  42. При поддержке энтузиастов Drupal запущена электронная база белорусских кладбищ
  43. Відэа з Турніра Нефармалаў-3

Спасылкі[правіць | правіць зыходнік]

Афіцыйная старонка