Маркус Айзенбіхлер

З пляцоўкі Вікіпедыя
Перайсці да навігацыі Перайсці да пошуку
Маркус Айзенбіхлер
2017-10-03 FIS SGP 2017 Klingenthal Markus Eisenbichler 004.jpg
Агульная інфармацыя
Пол мужчынскі пол
Спецыялізацыя скачкі на лыжах з трампліна[3]
Нарадзіўся 3 красавіка 1991(1991-04-03)[1] (31 год)
Грамадзянства
Commons-logo.svg Аўдыё, фота, відэа на Вікісховішчы

Маркус Айзенбіхлер (ням.: Markus Eisenbichler; нар. 3 красавіка 1991 года, Зігсдорф) — нямецкі скакун з трампліна, чатырохразовы чэмпіён свету, прызёр этапаў Кубка свету.

Біяграфія[правіць | правіць зыходнік]

У міжнародных стартах пад эгідай FIS дэбютаваў летам 2006 года, у 2009 годзе трапіў у склад зборнай Германіі, якая выступала ў кантынентальным кубку.

У Кубку свету дэбютаваў у канцы 2011 года на этапе Турнэ чатырох трамплінаў у Оберстдорфе. Там немец прайшоў кваліфікацыю і прабіўся ў фінальны раўнд дзякуючы дуэльнай сістэме (у двубоі ён перамог Марціна Шміта, які праваліў свой скачок). Па выніках турніру заняў 30-е месца, набраўшы першае ачко ў Кубку свету, аднак у зборнай не замацаваўся.

Удалым для нямецкага скакуна стаў посталімпійскі сезон 2014/15. У дэбютным старце сезона ён трапіў у склад зборнай Германіі і разам з Рыхардам Фрайтагам, Андрэасам Велінгерам і Зеверынам Фройндам атрымаў першую ў кар'еры камандную перамогу ў Кубку свету. На працягу сезона Айзенбіхлер некалькі разоў трапляў у дзясятку лепшых і дэбютаваў на чэмпіянаце свету, дзе застаўся без медалёў як у камандным (5-е месца), так і ў асабістым турніры на вялікім трампліне, замкнуўшы там дзясятку лепшых. Па выніках сезона немец заняў 15-е месца ў агульным заліку.

Сезон 2015/16 для Айзенбіхлера выдаўся не занадта ўдалым, ён выпаў з асноўнага складу нямецкай зборнай, выступаў на Кубку свету нерэгулярна. Затое ў сезоне 2016/17 вярнуўся на вышэйшы ўзровень. На трэцім этапе ў Лілехамеры ўпершыню ў кар'еры падняўся ў тройку лепшых у індывідуальных спаборніцтвах, стаўшы трэцім. Па выніках двух этапаў Турнэ чатырох трамплінаў прэтэндаваў на трапленне ў тройку лепшых турніру, але праваліў этап у Інсбруку і стаў сёмым у выніковым заліку. Таксама разам з таварышамі па камандзе атрымаў другую ў кар'еры камандную перамогу на этапе ў польскім Закапанэ.

Зноскі