Перайсці да зместу

Марыліза Ксенаянакапулу

З Вікіпедыі, свабоднай энцыклапедыі
Марыліза Ксенаянакапулу
дэпутат Еўрапейскага парламента
20 ліпеня 2004 — 25 верасня 2007
міністр аховы здароўя і грамадскай салідарнасці Грэцыі[d]
7 кастрычніка 2009 — 7 верасня 2010
Папярэднік Dimitris Avramopoulos[d]
Пераемнік Andreas Loverdos[d]
Нараджэнне 20 лютага 1963(1963-02-20) (61 год)
Партыя
Адукацыя
Лагатып Вікісховішча Медыяфайлы на Вікісховішчы

Марыя-Эліза (Марыліза) Ксенаянакопулу (грэч. Μαρία-Ελίζα (Μαριλίζα) Ξενογιαννακοπούλου, нар. 20 лютага 1963, Афіны, Грэцыя) — грэчаскі юрыст, палітычны і дзяржаўны дзеяч. Сябра партыі СІРЫЗА. Дзеючы дэпутат парламента Грэцыі з 7 ліпеня 2019 года. У мінулым — міністр адміністрацыйнай рэформы (2018—2019), першы намеснік міністра замежных спраў Грэцыі (2010—2012), міністр аховы здароўя і сацыяльнай салідарнасці (2009—2010), дэпутат парламента Грэцыі (2007—2012), дэпутат Еўрапейскага парламента (2004—2007).

Біяграфія

[правіць | правіць зыходнік]

Нарадзілася 20 лютага 1963 ў Афінах.

У 1985 годзе скончыла юрыдычны факультэт Афінскага ўніверсітэта. У 1986 годзе атрымала дыплом DEA па публічным праве ва Універсітэце Парыж I Пантэон-Сарбона.

Шмат гадоў працавала ў еўрапейскіх інстытутах у Бруселі, у Еўрапейскім парламенце, у Сакратарыяце Сацыялістычнай групы (1986—1995) і ў Еўрапейскай камісіі (1995—1999)[1].

Па выніках выбараў у Еўрапейскі парламент 2004 года абраная дэпутатам, пакінула Еўрапарламент у верасні 2007 года пасля абрання ў парламент Грэцыі, яе замяніла Ані Падымата.

З юнацтва актыўна ўдзельнічала ў студэнцкім руху, у ПАСП і ПАСОК. Член аддзела міжнародных сувязяў моладзевага камітэта ПАСОК (1983—1985) і член праўлення Асацыяцыі студэнтаў-юрыстаў (1982—1983). Была членам аддзела міжнародных адносін ПАСОК (1985—1999) і намеснікам сакратара сектара мясцовага самакіравання (1999—2005). Прадстаўнік ПАСОК ў Сацыялістычным Інтэрнацыянале (1990—1992) і ў Бюро Саюза еўрапейскіх сацыялістычных партый (1989—1991). У 1994—2005 гадах — член ЦК ПАСОК, у 2005—2012 гадах — член Нацыянальнага савета ПАСОК, у 2005—2006 гадах — сакратар Нацыянальнага савета ПАСОК[1].

Па выніках парламенцкіх выбараў 2007 года упершыню абраная дэпутатам парламента ад ПАСОК у выбарчай акрузе Афіны Б. Пераабраная на выбарах 2009 года.

7 кастрычніка 2009 года атрымала партфель міністра аховы здароўя ва ўрадзе Ёргаса Папандрэў. Пасля перастановак 7 верасня 2010 года[2] уступіла на пасаду першага намесніка міністра замежных спраў па еўрапейскіх справах. Захавала пасаду ва ўрадзе Лукаса Пападзімаса[1].

У знак пратэсту супраць крэдытнага пагаднення з Еўрапейскім Саюзам, якое ўрад Пападзімаса планаваў правесці праз парламент у нядзелю, 12 лютага 2012 года, падала ў пятніцу, 10 лютага прашэнне аб адстаўцы[3]. Усяго з урада сышлі шэсць членаў. Парламент у панядзелак, 13 лютага ўхваліў шматгадовую праграму бюджэтнай эканоміі і скарачэння выдаткаў, у абмен «тройка» міжнародных крэдытораў (Еўракамісія, ЕЦБ і МВФ) далі другі пакет дапамогі на 130 мільярдаў еўра[4]. 44 дэпутаты кіруючай кааліцыі (ПАСОК і «Новая дэмакратыя») прагаласавалі супраць гэтага Пагаднення і, як следства, былі выключаныя са сваіх фракцый за парушэнне партыйнай дысцыпліны[5]. Сярод іх — Марыліза Ксенаяннакапулу[1].

У панядзелак, 5 лістапада 2012 года прэм’ер-міністр Антоніс Самарас унёс законапраект, які прадугледжвае скарачэнне выдаткаў на 13,5 мільярда еўра ў абмен на чарговы транш крэдытаў аб’ёмам у 31,5 мільярда еўра ад ЕС і МВФ. Законапраект прадугледжваў зніжэнне заробкаў і пенсій[6], перагляд сістэмы сацыяльнага забеспячэння і звальненне дзяржслужачых[7]. У чацвер, 8 лістапада парламент прыняў законапраект[8]. Перад галасаваннем Марыліза Ксенаяннакапулу выйшла з партыі ПАСОК[1].

Пасля перастановак ва ўрадзе Алексіса Цыпраса (СІРЫЗА) 28 жніўня 2018 года Марыліза Ксенаянакопулу стала міністрам адміністрацыйнай рэформы і змяніла Вольгу Геравасілі, прызначаную міністрам абароны грамадзян[9]. Знаходзілася на пасадзе да заканчэння паўнамоцтваў урада ў ліпені 2019 года[1].

Па выніках парламенцкіх выбараў 2019 года абраная ў выбарчай акрузе Б1 паўночных Афін дэпутатам парламента ад партыі СІРЫЗА[1].

Валодае англійскай і французскай мовамі[1].

Зноскі

  1. ↑ а б в г д е ё ж Μαρία - Ελίζα (Μαριλίζα) Διονυσίου Ξενογιαννακοπούλου (грэч.). Βουλή των Ελλήνων. Архівавана з першакрыніцы 15 красавіка 2022.
  2. ↑ В правительстве Греции произошли масштабные перестановки. Lenta.ru (7 верасня 2010). Архівавана з першакрыніцы 15 красавіка 2022.
  3. ↑ Богдановский, Алексей. Первый замминистра обороны Греции подал прошение об отставке. РИА Новости (10 лютага 2012). Архівавана з першакрыніцы 15 красавіка 2022. Праверана 27 сакавіка 2021.
  4. ↑ Богдановский, Алексей. Голосование по соглашению Греции с ЕС перенесено на понедельник. РИА Новости (10 лютага 2012). Архівавана з першакрыніцы 15 красавіка 2022. Праверана 27 сакавіка 2021.
  5. ↑ Богдановский, Алексей. Более 40 греческих депутатов исключены из своих фракций. РИА Новости (13 лютага 2012). Архівавана з першакрыніцы 15 красавіка 2022. Праверана 27 сакавіка 2021.
  6. ↑ Богдановский, Алексей. Греческое правительство внесло в парламент пакет мер экономии. РИА Новости (5 лістапада 2012). Архівавана з першакрыніцы 15 красавіка 2022. Праверана 27 сакавіка 2021.
  7. ↑ Богдановский, Алексей. Профильный комитет греческого парламента одобрил сокращение расходов. РИА Новости (7 лістапада 2012). Архівавана з першакрыніцы 15 красавіка 2022. Праверана 27 сакавіка 2021.
  8. ↑ Богдановский, Алексей. Минфин Греции уверен, что страна получит очередной транш кредитов. РИА Новости (9 лістапада 2012). Архівавана з першакрыніцы 15 красавіка 2022. Праверана 27 сакавіка 2021.
  9. ↑ Премьер Греции объявил о перестановках в правительстве. ТАСС (28 жніўня 2018). Архівавана з першакрыніцы 15 красавіка 2022.

Узята з "https://be.wikipedia.org/w/index.php?title=Марыліза_Ксенаянакапулу&oldid=4739673"