Матэа Джаванеці

Матэа Джаванеці
Дата нараджэння	1300
Месца нараджэння	Вітэрба, правінцыя Вітэрба, Лацыа, Каралеўства Італія
Дата смерці	1367
Месца смерці	Рым, Папская вобласць
Род дзейнасці	мастак
Медыяфайлы на Вікісховішчы

Матэа Джаванеці (італ.: Matteo Giovannetti; згадваецца ў дакументах з 1322 па 1368 год) — італьянскі мастак.

Адзін з найбуйнейшых прадстаўнікоў «авіньёнскай школы» XIV стагоддзя, Джаванеці нарадзіўся ў Вітэрба, адкуль паходзіла яго сям’я і дзе, паводле дакумента ад 1336 года, ён быў настаяцелем у царкве Сан Марціна. Імя Джаванеці ўпершыню згадваецца ў папскім лісце ад 1322 года. У іншым лісце ад 1328 года паведамляецца аб прызначэнні Матэа святаром у царкву Св. Лукі ў Вітэрба. Дакумент, падпісаны папам Бенедыктам XII (1334—1342) у 1336 годзе, паведамляе аб прызначэнні Джаванеці настаяцелем у царкве Сан Марціна, а дакумент ад 1348 года сведчыць, што Матэа быў прызначаны галоўным настаяцелем Верселя ў Правансе. У Авіньёне ён упершыню згадваецца ў 1343 годзе, калі разам з італьянскімі і французскімі майстрамі распісваў фрэскамі вежу Гард-Роб у папскім палацы.