Меер Іцкавіч Кац

Меер Іцкавіч Кац
Нараджэнне	18 сакавіка 1923(1923-03-18) Міхайліўка, Валадарска-Валынскі раён, Жытомірская акруга[d], Валынская губерня, УССР, СССР
Смерць	18 лютага 2003(2003-02-18) (79 гадоў) Ізраіль
Узнагароды

Ме́ер І́цкавіч Кац (18 сакавіка 1923, сяло Міхайлаўка Валынскай губерні, цяпер Хорашыўскі раён Жытомірскай вобласці — 18 лютага 2003, Ізраіль) — савецкі гаспадарчы і дзяржаўны дзеяч. Герой Сацыялістычнай Працы (1966), старшыня калгаса імя Чырвонай Арміі (цяпер СПК «Альгоўскае») Віцебскага раёна Віцебскай вобласці. Дэпутат Вярхоўнага Савета СССР адзінаццатага склікання, дэлегат ΧΧIV з'езда КПБ.

Біяграфія

Нарадзіўся ў сяле Міхайлаўка, цяпер Хорашыўскі раён Жытомірскай вобласці. Член КПСС з 1952 года.

Працоўную дзейнасць пачаў у 1938 годзе аўтаслесарам. З 1941 года — шафёр у Омску. З 1947 года на розных пасадах у будаўнічых арганізацыях Віцебска. З 1958 года быў старшынёй аднаго з самых перадавых калгасаў у Савецкім Саюзе. Дэпутат Савета Нацыянальнасцяў Вярхоўнага Савета СССР 11 склікання (1984—1989) ад Беларускай ССР. Член Рэвізійнай камісіі КПБ у 1982—1990 гадах.

З 1990 года жыў у Ізраілі.

Узнагароды

• Герой Сацыялістычнай Працы (1966 год)
• ордэн Леніна (двойчы),
• ордэн Кастрычніцкай Рэвалюцыі,
• ордэн Працоўнага Чырвонага Сцяга,
• ордэн Дружбы народаў.

Сачыненні

• Першыя крокі спецыялізацыі. — Мн., 1963.
• Растут хлеба высокие. — Мн., 1967.
• Трудом всего достигнешь. — Мн., 1968.

Памяць

У 2007 годзе адкрыта мемарыяльная дошка, прысвечаная М. І. Кацу. Таксама ў 2007 годзе прынята рашэнне назваць адну з вуліц галоўнай сядзібы Альгова імем кіраўніка прадпрыемства.