Мура (Швецыя)

Мура
	Горад
Мура
	Mora
	61°01′00″ пн. ш. 14°32′00″ у. д.HGЯO
Краіна	Швецыя
Лен	Даларна
Гісторыя і геаграфія
Вышыня цэнтра	155 ± 1 м
Часавы пояс	UTC+1, летам UTC+2
Насельніцтва
Насельніцтва	10 940 чалавек (2005)
Лічбавыя ідэнтыфікатары
Тэлефонны код	0250
	mora.se
Паказаць/схаваць карты
	; Мура
	Медыяфайлы на Вікісховішчы

Му́ра (шведск.: Mora) — горад у цэнтральнай Швецыі, адміністрацыйны цэнтр камуны Мура Даларнскага лена.

Колькасць насельніцтва — 10 940 чалавек (2005). Размешчаны на беразе возера Сільян.

Назва

Назва горада паходзіць ад старажытнашведскага mor — «шчыльны лес на балоцістай зямлі».

Гісторыя

Упершыню Мура згадваецца ў 1325 г., але магчыма, паселішча існавала ўжо ў XIII стагоддзі. У 1520 шведскі шляхціц Густаў Ваза ўцякаў праз Даларну ад праследавання датчан. У Муры, ля мясцовай царквы ён заклікаў гараджан да паўстання супраць дацкага панавання, але яны яго спачатку не паслухаліся, і іх будучы кароль пабег далей, у бок Нарвегіі. Падумаўшы над словамі Вазы, гараджане ўсё ж вырашылі падтрымаць яго ідэю і паслалі двух лыжнікаў дагнаць яго: гэта адбылося ў мястэчку Селен. Ваза вярнуўся ў Муру і ўзначаліў антыдацкае паўстанне, якое скончылася атрыманнем Швецыяй незалежнасці і каранацыяй Густава Вазы на шведскі прастол.

XVII стагоддзе стала цёмнай старонкай гісторыі горада, бо прайшло пад знакам шматлікіх Вядзьмарскіх працэсаў, што забралі жыццё дзясяткаў чалавек. У наступным стагоддзі, у выніку рада неўраджайных гадоў, многія жыхары Муры шукалі заробку ў Стакгольме, але потым усё ж вярталіся ў родныя мясціны. У канцы XVIII стагоддзя ў Муры пачалі вырабляць насценныя гадзіннікі, а з 1860-х гг. — швейныя машынкі. У канцы XIX стагоддзя чыгунка злучыла Муру з іншымі часткамі Швецыі.

Славутасці

Хата, у якой нарадзіўся і жыў Андэрс Цорн

Музей Андэрса Цорна і хата, дзе ён нарадзіўся.
Дом лыжнага марафону Васалапет і фінішны пункт гэтага забегу.
Статуя Густава Вазы працы Андэрса Цорна (на месцы фінішу Васалапета).
Царква Муры
Томтэланд, або Краіна Томтэна — тэматычны парк, прысвечаны гэтаму шведскаму міфічнаму персанажу, якому прыкладна адпавядае беларускі Зюзя.
Вытворчасць даларнскіх конікаў у Нюснесе (у наваколлі Муры).

Вядомыя выхадцы і жыхары

Андэрс Цорн (1860—1920), мастак

Спасылкі

На Вікісховішчы ёсць медыяфайлы па тэме Мура (Швецыя)