Мурэн

Мурэн манг.: Мөрөн манг.: ᠮᠥᠷᠡᠨ Краіна  Манголія Каардынаты 49°38′15″ пн. ш. 100°09′41″ у. д. Заснаваны 1809 Плошча 102,9 км² Вышыня цэнтра 1 710 м Насельніцтва ▲134 530 чал. (2019) Часавы пояс UTC+8 Паштовыя індэксы 210 xxx Мурэн на карце Манголіі

Медыяфайлы на Вікісховішчы

Мурэн — горад у Манголіі, адміністрацыйны цэнтр аймака Хуўсгел. У канцы 2007 года насельніцтва горада складала 36 082 чалавека, плошча — 102,9 км², шчыльнасць насельніцтва — 351 чал/км². Размешчаны побач з ракой Дэлгэр-Мурэн, левым вытокам ракі Селенгі. У горадзе ёсць музей, тэатр, бальніца, пошта, некалькі школ і дзіцячых садкоў. Тут жа размешчаны адзін з найбуйнейшых гандлёвых рынкаў Манголіі. Важнае значэнне мае гарадскі аэрапорт, які абслугоўвае мясцовыя лініі (на Улан-Батар, Булган, Ховд), а таксама міжнародныя рэйсы замежных авіякампаній.

Гісторыя

Горад Мурэн развіўся з будыйскага манастыра Мурэнгійн-хурэ, заснаванага ў 1809 годзе на беразе ракі Дэлгэр-Мурэн. У 1921 годзе ў манастыры пражывалі 1300 лам. У 1937 годзе манастыр быў разбураны.

У пачатку 1990-х гадоў на месцы старога манастыра быў заснаваны невялікі новы манастыр Дандзадарджа-хійд. Тады ж побач з горадам было выяўлена масавае пахаванне 5 тысяч расстраляных манахаў (гэта складала больш за 1 % усяго дарослага насельніцтва Манголіі ў 1937 г.).