Міхаіл Фёдаравіч Кудзінаў

Міхаіл Фёдаравіч Кудзінаў
Міхаіл Фёдаравіч Кудзінаў
Дата нараджэння	14 снежня 1908
Месца нараджэння	Саратаўская вобласць, СССР;
Дата смерці	9 лютага 1985 (76 гадоў)
Месца смерці	Мінск, БССР, СССР;
Грамадзянства	БССР;
Альма-матар	Ленінградскі інстытут інжынераў камунальнага будаўніцтва (1937);
Месца працы	Белдзяржпраект; Мінскпраект; БелНДІПгорадабудаўніцтва;
Партыя	КПСС;
Член у	Саюз архітэктараў СССР; Беларускі саюз архітэктараў;

Міхаіл Фёдаравіч Кудзінаў (14 снежня 1908, с. Валыншына, цяпер Бялоўскі раён, Саратаўская вобласць^{[удакладніць]} — 9 лютага 1985, Мінск) — беларускі архітэктар.

Біяграфія[правіць | правіць зыходнік]

Скончыў Ленінградскі інстытут інжынераў камунальнага будаўніцтва ў 1937 годзе. Член Саюза архітэктараў СССР з 1938 года. Член КПСС з 1940 года. Удзельнік Вялікай Айчыннай вайны.

Працаваў кіраўніком архітэктурна-планіровачнай майстэрні Саратаўскага гарвыканкама, галоўным архітэктарам Сочы, начальнікам Упраўлення ўпаўнаважанага Савета Міністраў СССР па курорце Сочы—Мацэста, у Сачгарпраекце, з 1956 года — галоўным архітэктарам праектаў, кіраўніком майстэрні ў Белдзяржпраекце, Мінскпраекце, з 1969 па 1982 гады — старшым навуковым супрацоўнікам у БелНДІПгорадабудаўніцтва.

Творчасць[правіць | правіць зыходнік]

У складзе аўтарскіх калектываў распрацоўваў генплан, праекты санаторных карпусоў, жылых дамоў у Саратаве, Сочы, Краснадары (1939—1941, 1946—1956), генплан (1961—1965), ПДП цэнтра (1963), праект планіроўкі і забудовы мікрараёна па вул. Валгаградскай (1966) у Мінску, схемы раённай планіроўкі абласцей БССР (1975).

Зноскі

Літаратура[правіць | правіць зыходнік]

Кудинов Михаил Федорович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)