Мадэст Іванавіч Томах

Мадэст Іванавіч Томах
Дата нараджэння	20 мая 1908(1908-05-20)
Месца нараджэння	Мікітаўка[d], Горліўка, Zheleznyanskaya Volost'[d], Бахмуцкі павет[d], Кацярынаслаўская губерня, Расійская імперыя
Дата смерці	31 студзеня 1980(1980-01-31) (71 год)
Грамадзянства	БССР
Альма-матар	Ленінградскі інстытут інжынераў камунальнага будаўніцтва (1937)
Месца працы	Белдзяржпраект Камітэт па архітэктуры і будаўніцтве Гомельскага аблвыканкама[d] Камітэт па архітэктуры і будаўніцтве Магілёўскага аблвыканкама[d]
Партыя	КПСС
Член у	Саюз архітэктараў СССР Беларускі саюз архітэктараў
Узнагароды	Грамата Прэзідыума Вярхоўнага Савета БССР (1949)

Мадэст Іванавіч Томах (20 мая 1908, ст. Мікітаўка, Данецкая вобласць — 31 студзеня 1980) — беларускі архітэктар.

Біяграфія

Скончыў Ленінградскі інстытут інжынераў камунальнага будаўніцтва ў 1937 годзе. Удзельнік Вялікай Айчыннай вайны. Працаваў у Белдзяржпраекце, галоўным архітэктарам, начальнікам Гомельскага і Магілёўскага абласных аддзелаў архітэктуры, з 1965 па 1970 г. — намеснікам начальніка, начальнікам аддзела планіроўкі ў Белдзяржпраекце.

Член КПСС з 1929 года. Член Саюза архітэктараў СССР з 1937 года. З 1949 па 1955 г. — старшыня СА БССР.

Творчасць

Асноўныя працы (у аўтарскім калектыве): генпланы Магілёва, Завакзальнага раёна Менска (1937), Рэчыцы, пасёлкаў шаўковага камбіната і аўтазавода ў Магілёве (1940), Жодзінскага завода дарожных машын і жылога пасёлка (1952), заводаў швейных машын і аўтаклаўнай цэглы ў Оршы, вапнавых у Крычаве, Клімавічах (1953—1960), прамвузлы ў Баранавічах, Віцебску, Гомелі, Гродна, Мінску, Мазыры, Слуцку (1965—1970).

Узнагароды

Узнагароджаны ордэнам Чырвонай Зоркі (1945), Граматай Прэзідыума Вярхоўнага Савета БССР (1949).

Літаратура

• Томах Модест Иванович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)