Норман Тагард

Норман Эрл Тагард
англ.: Norman Thagard
Краіна:	ЗША
Воінскае званне:	captain[d]
Экспедыцыі:	STS-7, STS-51-B, STS-30, STS-42, Саюз ТМ-21, STS-71
Дата нараджэння:	3 ліпеня 1943(1943-07-03) (81 год)
Месца нараджэння:	Marianna[d], акруга Джэксан[d], Фларыда, ЗША або ЗША
Узнагароды:	Зала славы астранаўтаў[d] International Space Hall of Fame[d] (1996)
Медыяфайлы на Вікісховішчы

Норман Та́гард (англ.: Norman Thagard; нар. 3 ліпеня 1943 года) — амерыканскі вучоны і экс-астранаўт НАСА. Першы грамадзянін ЗША, які здзейсніў палёт у космас на касмічным караблі «Саюз»; гэта адбылося 14 сакавіка 1995 падчас палёту карабля «Саюз ТМ-21» да арбітальнай станцыі «Мір». Доктар медыцыны (1977), магістр навук у галіне тэхнікі (1966).

Норман Тагард нарадзіўся ў горадзе Мар’яна штата Фларыда, але родным горадам лічыць Джэксанвіл. З 1966 года паступіў на ваенную службу ў Корпус марской пяхоты ЗША. У 1968 годзе стаў лётчыкам марской авіяцыі. У 1969—1970 гадах прымаў удзел у вайне ў В’етнаме. З 1978 года ў групе астранаўтаў НАСА.

Палёты

Норман Тагард здзейсніў 5 палётаў:

• 18—24 чэрвеня 1983 года на касмічным караблі «Чэленджэр» (місія STS-7),
• 29 красаіка — 6 мая 1985 года на касмічным караблі «Чэленджэр» (місія STS-51B),
• 4—8 мая 1989 года на касмічным караблі «Атлантыс» (місія STS-30),
• 22—30 студзеня 1992 года на касмічным караблі «Дыскаверы» (місія STS-42),
• 14 сакавіка — 7 ліпеня 1995 года на касмічным караблі «Саюз ТМ-21» і арбітальнай станцыі «Мір». Пасадка на касмічным караблі «Атлантыс» з экіпажам місіі STS-71.

У космасе правёў 140,4 сутак.

Літаратура

• Ларыёнаў У. С. Та́гард Норман // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 374. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Біяграфія на сайце НАСА