Нур-Даўлет

Нур-Даўлет
نور دولت‎
2-і крымскі хан 1466 — 1467
Папярэднік	Хаджы I Гірэй
Пераемнік	Менглі I Гірэй
4-ы крымскі хан 1467 — 1469
Папярэднік	Менглі I Гірэй
Пераемнік	Менглі I Гірэй
7-ы крымскі хан 1475 — 1476
Папярэднік	Менглі I Гірэй
Пераемнік	Джанібек
3-і касімаўскі кіраўнік 1486 — 1490
Папярэднік	Даніяр
Пераемнік	Сатылган
Нараджэнне	невядома Касімаў, Касімаўскае ханства
Смерць	каля 1503 Касімаў, Касімаўскае ханства
Месца пахавання	Hacı Geray dürbesi[d]
Род	Гірэі
Бацька	Хаджы-Гірэй
Дзеці	Satylghan ibn Nur Daulat[d] і Q4159846?
Нацыянальнасць	татарын
Веравызнанне	іслам

Нур-Даўлет (крым. Nur Devlet, نور دولت ; ? — 1503) — крымскі хан у 1466—1467, 1467—1469, 1475—1476 г. Другі сын Хаджы-Гірэя.

Біяграфія

Пасля смерці бацькі ў 1466 г. успадкаваў крымскі сталец, чаму запрацівіўся яго малодшы брат Менглі, які ў 1467 г. здолеў ненадоўга авалодаць стальцом. Вярнуўшыся ў тым жа годзе да ўлады, Нур-Даўлет паспрабаваў дамовіцца з ханам Залатой Арды, запытаўшы ў яго фармальнага пацверджання сваіх паўнамоцтваў як кіраўніка Крымскага ханства (што ішло насуперак з курсам Хаджы-Гірэя на незалежнасць ханства).

У самым пачатку 1469 г. быў адхілены ад улады Менглі-Гірэем, які абапіраўся на падтрымку знатных крымскіх родаў. У якасці ганаровага арыштанта паселены ў крэпасці Кафа. З 1471 г. жыў у крэпасці Салдайя.

Вызвалены з-пад арышту падчас узяцця Салдайя асманамі ў 1475 г. Зрабіў спробу вярнуць сталец, але з-за аднаўлення ў Крыме ўлады Залатой Арды быў змушаны пакінуць Крым і шукаць сховішча ў польскага караля, які пасяліў Нур-Даўлета ў Кіеве.

Увосень 1479 г. разам з братам Айдэрам пераехаў з Кіева ў Маскву, дзе атрымаў у кіраванне г. Касімаў. У якасці ваяводы дапамагаў маскоўскім войскам у ваенных кампаніях супраць Залатой Арды. Менглі-Гірэй хацеў вярнуць брата ў Крым, але перамовы з маскоўскім гаспадаром былі безвыніковымі.

Памёр у Касімаве ў 1503 г. У 1505 г. труна з прахам Нур-Даўлета па просьбе Менглі была перавезеная ў Крым.

Літаратура

• Гайворонский О (А. Е.). Созвездие Гераев Архівавана 18 сакавіка 2007.. Краткие биографии крымских ханов. — Симферополь: «Доля», 2003.