Нью-Мексіканскі ўніверсітэт

З Вікіпедыі, свабоднай энцыклапедыі
Нью-Мексіканскі ўніверсітэт
англ.: University of New Mexico
Выява лагатыпа
Арыгінальная назва англ.: University of New Mexico
Заснаваны 1889
Тып даследчы ўніверсітэт
Студэнты 22 311[1] і 17 710[2]
Размяшчэнне Альбукерке, Нью-Мексіка, ЗША
Сайт unm.edu
Лагатып Вікісховішча Медыяфайлы на Вікісховішчы

Нью-Мексіканскі ўніверсітэт (англ.: University of New Mexico) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Альбукерке ў штаце Нью-Мексіка, ЗША.

Агульная характарыстыка[правіць | правіць зыходнік]

Заснаваны ў 1889 годзе заканадаўчым сходам тэрыторыі Нью-Мексіка, гэта другі па велічыні ўніверсітэт штата, адзін з двух флагманскіх універсітэтаў штата і самы вялікі па колькасці абітурыентаў. Універсітэт складаецца з 12 каледжаў і школ, у тым ліку медыцынскай школы і адзінай юрыдычнай школы ў штаце. Вучэльня прапануе 215 спецыяльнасцей і праграм навучання, у тым ліку 94 спецыяльнасцей бакалаўрыяту, 71 спецыяльнасць магістратуры і 37 праграм аспірантуры. Ён класіфікуецца як доктарскі ўніверсітэт з вельмі высокай даследчай актыўнасцю. Па дадзеных Нацыянальнага навуковага фонду ЗША, у 2021 годзе ўніверсітэт выдаткаваў больш за 243 мільёны долараў на даследаванні і распрацоўкі, заняўшы 103-е месца ў рэйтынгу ВНУ ЗША. Універсітэт мае афіцыйны статус іспанамоўнай установы, прычым амаль палова студэнтаў з'яўляюцца іспанамоўнымі.

Структура[правіць | правіць зыходнік]

  • Каледж мастацтваў і навук
  • Каледж адукацыі
  • Каледж прыгожых мастацтваў
  • Каледж медсястрынства
  • Каледж фармацыі
  • Каледж грамадскага здароўя
  • Школа менеджменту
  • Школа архітэктуры і планавання
  • Школа інжынерыі
  • Школа права
  • Школа медыцыны
  • Школа дзяржаўнага кіравання
  • Універсітэцкі каледж

Гл. таксама[правіць | правіць зыходнік]

Заўвагі[правіць | правіць зыходнік]

Спасылкі[правіць | правіць зыходнік]