Нінель Трафімаўна Жыжаль

Нінель Трафімаўна Жыжаль
Дата нараджэння	30 снежня 1935(1935-12-30) (88 гадоў)
Месца нараджэння	Менск, БССР, СССР
Грамадзянства	Беларусь
Род дзейнасці	дызайнер касцюмаў
Месца працы	Мінскі дзяржаўны архітэктурна-будаўнічы каледж Рэспубліканскі дом мадэляў Беларусьфільм
Вучоба	Мінскі дзяржаўны мастацкі каледж імя А. К. Глебава
Член у	Беларускі саюз кінематаграфістаў

Нінель Трафімаўна Жыжаль (нар. 30 снежня 1935, Менск) — беларускі мастак па касцюмах.

Біяграфія

Скончыла ў 1955 годзе Мінскае мастацкае вучылішча. Выкладала ў Беларускім архітэктурна-будаўнічым тэхнікуме. 3 1962 года мастак-мадэльер Рэспубліканскага дома мадэляў. У 1971—1992 гадах мастак па касцюмах кінастудыі «Беларусьфільм».

Член Беларускага саюза кінематаграфістаў з 1977 года.

Творчасць

Касцюмы Жыжаль адпавядаюць жыццёвым і гістарычным характарыстыкам персанажаў, суадносяцца з вобразным строем герояў кінатвораў. Найбольш адметныя работы ў кінафільмах — «Братушка» (1975), «Нядзельная ноч», «Марынка, Янка і таямніцы каралеўскага замка» (абодва 1976), «Чорная бяроза» (1977), «Пункт адліку» (1979), «Трэцяга не дадзена» (1980), «Подых навальніцы» (1982), «Знак бяды» (1986), «Пераправа» (1987), «Наш браняпоезд» (1988) і інш.; у тэлефільмах — «Вясковая казка», «Пасля кірмашу» (абодва 1972), «Гора баяцца — шчасця не бачыць» (1973), «Пастух Янка» (1976), «Апошняе лета дзяцінства» (1982) і інш. Працуе ў жывапісе.

Літаратура

• Р. І. Баравік. Жыжаль Нінель Трафімаўна // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.