Ордэн Сухэ-Батара

З Вікіпедыі, свабоднай энцыклапедыі
Ордэн Сухэ-Батара
Сүхбаатарын одон
Выява ордэнскай планкі Апісанне ўзнагароды
Арыгінальная назва манг.: Сүхбаатарын одон
Краіна Сцяг Манголіі Манголія
Тып Ордэн
Дата заснавання 16 мая 1941
Статус Уручаецца
Статыстыка ўзнагароджанняў
Колькасць 1700
Чарговасць узнагарод
Малодшая Ордэн Чырвонага Сцяга
Адпавядае Ордэн Леніна

Ордэн Сухэ-Батара (манг.: Сүхбаатарын одон) — вышэйшая дзяржаўная ўзнагарода Манголіі.

Ордэн быў заснаваны 16 мая 1941 года ў гонар кіраўніка мангольскага вызваленчага руху і Народнай рэвалюцыі 1921 года Дамдзіна Сухэ-Батара, як аналаг савецкага ордэна Леніна.

Статут[правіць | правіць зыходнік]

Ордэнам Сухэ-Батара ўзнагароджваюцца як асобныя людзі, так і цэлыя калектывы — установы, прадпрыемствы, вайсковыя часці. Узнагарода ўручаецца за асоба выдатныя заслугі ў справе ўмацавання незалежнасці краіны, у эканамічным і культурным будаўніцтве, а таксама за праяўленыя самаадданасць, мужнасць і адвагу. Узнагароджанне праводзіць Малы хурал Мангольскай Народнай Рэспублікі, і разам з ордэнам узнагароджаным уручаецца ордэнская кніжка, у якую ўклейваецца фатаграфія ўзнагароджанага, запісваюцца яго імя і прозвішча, нумар ордэна і называецца тая заслуга, за якую чалавек ганараваны гэтым высокім знакам адрознення.

Ордэн Сухэ-Батара носіцца на левым боку грудзей. Калі ўзнагароджаны мае іншыя ордэны і ўзнагароды Манголіі, то апошнія размяшчаюцца на грудзі ўслед за ім.

Ордэн Сухэ-Батара ўручаецца тым грамадзянам Манголіі, якія за выдатныя подзвігі былі ганараваны ганаровым званнем «Герой Мангольскай Народнай Рэспублікі».

Апісанне знака[правіць | правіць зыходнік]

Ордэнскі знак уяўляе сабой выпуклую паліраваную залатую пяціканцовую зорку, паміж канцамі якой размешчаны сярэбраныя плоскія завостраныя прамяні рознай велічыні, пакрытыя сіняй эмаллю. У цэнтры ордэнскай зоркі змешчана плацінавая пагрудная рэльефная выява Сухэ-Батара на фоне круга, пакрытага шэрай эмаллю і атачонага залатым вянком. Над партрэтам лунае разгорнуты направа чырвоны эмалевы рэвалюцыйны сцяг з пышнымі кісцямі і надпісам «СҮХБААТАР», а пад ім намалявана чырвоная эмалевая зорка.

Адваротны бок ордэна гладкі, злёгку ўвагнуты. У цэнтры яго прыпаяны наразны штыфт з гайкай для мацавання ордэна да адзення. Ордэнскай знак вырабляецца з трох асобных частак, якія потым злучаюцца паміж сабой штыфткамі.

Спасылкі[правіць | правіць зыходнік]