Ощадбанк

З пляцоўкі Вікіпедыя
Jump to navigation Jump to search
АТ «Ощадбанк»
Тып Публічнае акцыянернае таварыства
Заснаванне 31 снежня 1991 (27 гадоў)
Заснавальнікі Кабінет міністраў Украіны
Размяшчэнне Сцяг Украіны Кіеў, вул. Шпітальная, 12г
Ключавыя фігуры Пышны Андрэй Рыгоравіч
(Старшыня праўлення)
Галіна Фінансавыя паслугі
Чысты прыбытак -12,273 млрд. грн. (2015)[1]
Актывы 159,389 млрд. грн. (01.01.2016)[2]
Колькасць супрацоўнікаў каля 30 тыс. (2015)[3]
Аўдытар PricewaterhouseCoopers
Сайт www.oschadbank.ua

Оща́дбанк (поўная назва: Публічнае акцыянернае таварыства «Державний ощадний банк України») — украінскі банк, другі па памерах актываў і найбуйнейшы па колькасці аддзяленняў сярод усіх банкаў Украіны. Знаходзіцца ў дзяржаўнай уласнасці. Па стане на 1 студзеня 2016 года агульныя актывы банка склалі 159 мільярдаў грывен. А па стане на 1 студзеня 2019 года актывы банка склалі ўжо 215, 630 мільярда грыўняў.[4] Нацыянальная сетка банкаўскага абслугоўвання «Ощадбанка» ўключае ў сябе каля 4100 аддзяленняў, больш за 2000 банкаматаў і больш за 1000 інфармацыйна-плацёжных тэрміналаў. Да працэсінгу банка падключана больш за 17 тысяч гандлёвых POS-тэрміналаў. «Ощадбанкам» эмітавана больш 8 мільёнаў плацежных картак. Банку належыць інтэрнэт-банкінг і плацежная сістэма «Ощад 24/7».[5][6][7]

Гэта адзіны ў Украіне банк, які мае замацаваную законам Украіны «Аб банках і банкаўскай дзейнасці» дзяржаўную гарантыю поўнага захавання грашовых укладаў грамадзян (фізічных асоб), давераных банку.[8]

Па дадзеных брытанскага часопіса The Banker, у 2014 годзе «Ощадбанк» займаў дзесятую пазіцыю ў рэйтынгу найбуйнейшых банкаў Цэнтральнай і Усходняй Еўропы і 367-ю ў рэйтынгу тoп-1000 сусветных банкаў.[9] Галоўны офіс «Ощадбанка» размешчаны ў Кіеве. Банк другі год запар з'яўляецца стратным. У 2014 годзе ён панёс страты на суму 8,5 мільярда грывен. Па словах старшыні праўлення, Андрэя Пышнага, большасць страт былі нанесеныя анэксіяй Расіяй Крыма.[10] У 2015 годзе страты яшчэ больш выраслі і дасягнулі 12,2 мільярда грывен.[11]

Па класіфікацыі НБУ, з'яўляецца адным з трох сістэмна важных банкаў ва Украіне ў 2016 годзе.[12]

Заснаванне і развіццё[правіць | правіць зыходнік]

Галоўны офіс «Ощадбанка» ў Кіеве (2012).

У 1991 годзе Украіна выходзіць са складу Савецкага Саюза і абвяшчае сваю незалежнасць. З абвяшчэннем незалежнасці Украіны «Ощадбанк» аддзяляецца ад «Сбербанка СССР». 31 снежня 1991 года «Ощадбанк» быў зарэгістраваны ў Нацыянальным банку Украіны як самастойная банкаўская ўстанова — Дзяржаўны спецыялізаваны камерцыйны ашчадны банк Украіны. Ён створаны на базе ўстаноў «Сбербанка» былога СССР ва Украіне, папярэднікам якога былі Дзяржпрацашчадкасы СССР.

Пастановай Кабінета Міністраў Украіны ад 21 мая 1999 года у мэтах выканання распараджэння Прэзідэнта Украіны ад 20 мая 1999 года Дзяржаўны спецыялізаваны камерцыйны ашчадны банк Украіны быў ператвораны ў Адкрытае акцыянернае таварыства «Державний ощадний банк України» (скарочаная назва — ААТ «Ощадбанк»). У мэтах выканання пастановы Кабінета Міністраў Украіны ад 6 красавіка 2011 № 502 «Аб унясенні змяненняў у пастанову Кабінета Міністраў Украіны ад 25 лютага 2003 № 261» 7 червеня 2011 года праведзена дзяржаўная рэгістрацыя змяненняў у Статут ААТ «Ощадбанк», якія тычацца у прыватнасці наймення банка. Згодна п. 4 Статута АТ «Ощадбанк» поўнае найменне банка: Публічнае акцыянернае таварыства «Державний ощадний банк України», скарочанае — АТ «Ощадбанк».

Ліцэнзія Нацыянальнага банка Украіны № 148 ад 05.10.2011 года на права ажыццяўлення банкаўскіх аперацый. Заснавальнікам банка з'яўляецца дзяржава ў асобе Кабінета Міністраў Украіны. На сёння «Ощадбанк» — адзіны сярод украінскіх банкаў, які мае замацаваную законам дзяржаўную гарантыю захавання укладаў грамадзян і іх выдачы па першым патрабаванні.

З 1 жніўня 2016 года «Ощадбанк» пачаў выпуск электронных пенсійных пасведчанняў і абмен пенсійных картак на гэтыя пасведчанні. Электронныя пенсійныя пасведчанні выдаюцца бясплатна і выключна па звароце кліента[13].

Праўленне[правіць | правіць зыходнік]

  • старшыня праўлення АТ «Ощадбанк» — Пышны Андрэй Рыгоравіч
  • першы намеснік старшыні праўлення АТ «Ощадбанк» — Барадзін Рыгор Васілевіч
  • намеснік старшыні праўлення АТ «Ощадбанк» — Барсукоў Анатоль Зіноў'евіч
  • намеснік старшыні праўлення АТ «Ощадбанк» — Зямцова Ірына Міхайлаўна
  • намеснік старшыні праўлення АТ «Ощадбанк» — Драчко-Ярмоленка Яўген Уладзіміравіч
  • намеснік старшыні праўлення АТ «Ощадбанк» — Літвін Уладзімір Мікалаевіч
  • намеснік старшыні праўлення АТ «Ощадбанк» — Сцяцевіч Андрэй Ігаравіч
  • намеснік старшыні праўлення АТ «Ощадбанк» — Цюцюн Антон Аляксандравіч

Місія і стратэгія банка[правіць | правіць зыходнік]

Аддзяленне «Ощадбанка» новага фармату ў Луганску (2013).
Палтаўскае абласное кіраванне «Ощадбанка» (2013).

Місія Банка: Забеспячэнне насельніцтва надзейным фінансавым інструментам працяглага і гарантаванага зберажэння, а таксама падтрымка эканамічнага развіцця дзяржавы шляхам прадастаўлення сучасных банкаўскіх паслуг.

Стратэгічная мета: Стратэгічная мэта развіцця «Ощадбанка» на перыяд 20122016 гадоў — укараненне сучасных банкаўскіх тэхналогій і прадуктаў, павышэнне аперацыйнай эфектыўнасці і забеспячэння ўзважанага і ўстойлівага росту ў доўгатэрміновай перспектыве. Сёння банк актыўна абнаўляе свае аддзялення, даводзячы абслугоўвання ў іх да еўрапейскага ўзору.

Асноўныя паказчыкі банка[правіць | правіць зыходнік]

1 ліпеня 2014 1 ліпеня 2015 1 чэрвеня 2016
Уласны капітал, млрд. грн. 20,40 19,10 13,90
Аб'ём крэдытнага партфеля, млрд. грн. 102,20 142,80 156,30
Аб'ём прыцягнутых сродкаў кліентаў, млрд. грн. 42,60 68,80 113,60
Аб'ём іншых прыцягненняў, млрд. грн. 49,80 57,20 48,10
Колькасць банкаматаў 1 953 2 392 2 190
Колькасць гандлёвых POS-тэрміналаў 11 465 16 131 19 985

Рэйтынгі і ўзнагароды банка[правіць | правіць зыходнік]

Рэйтынгі[правіць | правіць зыходнік]

Fitch Ratings (дата прагляду 14.09.2015 года)
Доўгатэрміновы рэйтынг дэфолту эмітэнта ў замежнай валюце ССС*
Доўгатэрміновы рэйтынг дэфолту эмітэнта у нацыянальнай валюце CCC*
Рэйтынг устойлівасці ccc
Доўгатэрміновы рэйтынг па нацыянальнай шкале АА-(ukr)
Moody's Investors Service (дата прагляду 24.11.2015 года)
Рэйтынг базавай ацэнкі крэдытаздольнасці саа3
Рэйтынг незабяспечаных абавязацельстваў у замежнай валюце Caa3*
Рэйтынг незабяспечаных абавязацельстваў у нацыянальнай валюце Caa3*
Рэйтынг дэпазітаў у замежнай валюце Ca*
Рэйтынг дэпазітаў у нацыянальнай валюце Caa3*

* рэйтынгі, прысвоеныя Банку, знаходзяцца на ўзроўні суверэнных рэйтынгаў

Узнагароды[правіць | правіць зыходнік]

Інфармацыйна-аплатны тэрмінал «Ощадбанка».

2015 год:

  • «Ощадбанк» найбольш устойлівы банк Украіны па версіі выдання Forbes Украіна

2014 год:

  • Першае месца ў рэйтынгу надзейнасці банкаў за ІІІ квартал 2014 года ад выдання «Деньги.ua»
  • Першае месца ў рэйтынгу самых надзейных банкаў па версіі выдання «Новое Время» і інвестыцыйнай кампаніі Dragon Capital
  • «Ощадбанк» заняў дзясяты радок па памеры капіталу ў рэйтынгу 25 найбуйнейшых банкаў Цэнтральнай і Усходняй Еўропы па версіі брытанскага часопіса The Banker
  • Першае месца ў рэйтынгу звышнадзейных банкаўскіх устаноў Украіны па версіі выдання «Личный счет»
  • Другое месца ў рэйтынгу ўстойлівасці банкаў ад партала «Мінфін»
  • «Ощадбанк» прызнаны банкам года па версіі міжнароднай аплатнай сістэмы MasterCard Worldwide

2013 год:

  • Першае месца ў рэйтынгу самых надзейных банкаў Украіны па версіі выдання «Кореспондент» і інвестыцыйнай кампаніі Dragon Capital
  • Дыплом міжнароднай кампаніі Visa «За лепшую дынаміку прыросту паказчыкаў картачнага бізнесу ў 2012 годзе»
  • Другое месца ў рэйтынгу часопіса «Фокус» самых камфортных банкаў краіны для кліентаў фізічных асоб
  • Другое месца ў рэйтынгу «50 вядучых банкаў Украіны» па версіі выдавецкага дома «Коммерсант-Україна» і кампаніі «Фінансовий клуб»
  • Другое месца ў рэйтынгу ўстойлівасці банкаў ад партала «Мінфін»
  • Абсалютны лідэр актыўнасці ва ўкраінскай медыяпрасторы па выніках даследчага праекта «МедіаВершки» кампаніі NOKs fishes
  • Першае месца ў рэйтынгу надзейнасці дэпазітаў на пачатак 2013 года па версіі Інтэрнэт-выдання «Реальна економіка»

2012 год:

  • Першае месца ў рэйтынгу трыццаці самых надзейных банкаў па версіі выдання «Кореспондент» і інвестыцыйнай кампаніі Dragon Capital
  • Сацыяльна арыентаваны банк па версіі штогадовай прэміі ад «Інвестгазети» UKRAINIAN BANKER AWARDS 2012
  • «Найлепшая надзейнасць» (рэйтынг «А») дэпазітаў «Ощадбанка» у рэйтынгу «Першого Українського Депозитного Індексу» (FUDI)
  • Найлепшы прадавец зарплатных прадуктаў па версіі міжнароднай аплатнай сістэмы MasterCard WorldWide
  • Другое месца ў рэйтынгу звышнадзейных банкаўскіх устаноў па версіі выдання «Личный счет»
  • Першыя месцы ў дзвюх намінацыях I Усеўкраінскага конкурсу «Найлепшая PR-служба крэдытна-фінансавай установы — 2012» па версіі часопіса «Банкиръ»:
    • «Найбольш інфармацыйна насычаны інтэрнэт-рэсурс»
    • «Найбольш актыўная PR-служба»
  • Другое месца сярод лепшых банкаў для захоўвання ўкладаў па версіі Інтэрнэт-выдання «Економічна правда»
  • Другое месца ў рэйтынгу «ГVардыя карпаратыўных брэндаў — 2012» сярод самых дарагіх банкаўскіх брэндаў
  • Лідэр рэйтынгу 12 самых надзейных банкаў для размяшчэння дэпазітаў па версіі дзелавога выдання «Коментарі»
  • Першае месца ў рэйтынгу надзейнасці дэпазітаў за першае паўгоддзе 2012 года па версіі інтэрнэт-выдання «Реальна економіка»

Структура ўласнасці[правіць | правіць зыходнік]

Структура ўласнасці банка з'яўляецца наступнай:[14]

Уладальнік акцый Звычайных акцый Працэнт эканамічных правоў
Дзяржава Украіна* 25 777[15] 100 %
Мінарытарныя ўладальнікі акцый 0 -
Увогуле 25 777 100 %

Заўвага:
* — у асобе Міністэрства фінансаў Украіны, дзейнасць якога каардынуецца Кабінетам Міністраў Украіны.

Крытыка[правіць | правіць зыходнік]

«Ощадбанк» з-за сваёй дзяржаўнай уласнасці мае шэраг канкурэнтных пераваг перад іншымі банкамі ва Ўкраіне. Сярод іх замацавана заканадаўствам у выпадку банкруцтва гарантыя кампенсацыі ўсіх сродкаў кліентаў-фізічных асоб (для іншых банкаў да 200 тысяч грывен), прывілеяваны ўдзел у абслугоўванні дзяржаўных прадпрыемстваў, сацыяльных выплат і г.д. У выніку гэта зніжае канкурэнцыю і павышае палітызаванасць украінскага банкаўскага асяроддзя. Выхадам з'яўляецца адмена заканадаўчых прывілеяў і прыватызацыя хоць бы мажарытарнай (больш чым 50 %) часткі пакета акцый банка.

2 лістапада 2015 года, прэзідэнт Украінскага аналітычнага цэнтра Аляксандр Ахрыменка абвінаваціў кіраўніцтва «Ощадбанка» у махінацыях з даўгавымі абавязацельствамі банка. Паводле яго слоў набліжаныя да ўлады бізнесмены скупляюць даўгі кліентаў «Ощадбанка» а потым праз свае сувязі дамагаюцца іх спісання. Гэта выліваецца ў вялікія страты банка а адпаведна і Дзяржаўнага бюджэту Украіны з якога ён датуецца. Як вядома, старшыня праўлення «Ощадбанка», Андрэй Пышны быў набліжаным чалавекам да тагачаснага прэм'ер-міністра Арсенія Яценюка.[16]

Гл. таксама[правіць | правіць зыходнік]

Зноскі

  1. Дакумент. НБУ (1 студзеня 2016). Праверана 21 чэрвеня 2017.
  2. Дакумент. НБУ (1 студзеня 2016). Праверана 21 чэрвеня 2017.
  3. Ощадбанк. Річний фінансовий звіт за 2015 рік (укр.) . oschadbank.ua (21 ліпеня 2016). Праверана 21 чэрвеня 2017.
  4. Рэйтынг банкаў Украіны па стане на 2019 год
  5. Дакумент. НБУ (1 студзеня 2016). Праверана 21 чэрвеня 2017.
  6. Дані у розрізі банків щодо кількості платіжних карток, платіжних пристроїв та кількості підприємств торгівлі/сфери послуг, станом на 01.01.2016 (укр.) . bank.gov.ua (6 лютага 2016). Праверана 21 чэрвеня 2017.
  7. Динаміка кількості діючих структурних підрозділів банків України, станом на 01.01.2016 (укр.) . bank.gov.ua (6 лютага 2016). Праверана 21 чэрвеня 2017.
  8. Закон України «Про банки і банківську діяльність». Стаття 57. (укр.)  (21 ліпеня 2016). Праверана 21 чэрвеня 2017.
  9. Ощадбанк увійшов до десятки найбільших банків Центральної та Східної Європи (укр.) . oschadnybank.com (7 жніўня 2014). Праверана 21 чэрвеня 2017.
  10. 2014 рік Ощадбанк закінчив зі збитком 8,5 млрд. гривень (укр.) . finance.ua (24 студзеня 2015). Праверана 21 чэрвеня 2017.
  11. Дакумент. НБУ (1 студзеня 2016). Праверана 21 чэрвеня 2017.
  12. Національний банк визначив три системно важливих банки (укр.) . Прес-реліз НБУ від 22.02.2016. Праверана 21 чэрвеня 2017.
  13. «Ощадбанк» почав випускати електронні пенсійні посвідчення (руск.) . Хвиля (1 жніўня 2016). Праверана 21 чэрвеня 2017.
  14. АТ Ощадбанк: Структура власності (укр.) . oschadnybank.com. Праверана 21 чэрвеня 2017.
  15. Ощадбанк. Річний фінансовий звіт за 2015 рік (укр.) . oschadbank.ua (21 ліпеня 2016). Праверана 21 чэрвеня 2017.
  16. Наближені до влади бізнесмени скуповують борги держбанків — експерт (укр.) . korrespondent.net (2 лістапада 2015). Праверана 21 чэрвеня 2017.

Спасылкі[правіць | правіць зыходнік]