Падгаі (гарадзішча)
| Гарадзішча | |
| Падгаі | |
|---|---|
| Краіна |
 Беларусь |
| Вёска | Падгаі |
| Статус |
 Гісторыка-культурная каштоўнасць Беларусі, шыфр 213В00040 |
Падгаі — археалагічны помнік каля вёскі Падгаі Глыбоцкага раёна Віцебскай вобласці. Знаходзіцца за 0,5 км на ўсход ад вёскі, на левым беразе возера Аржаніца.
Апісанне[правіць | правіць зыходнік]
Мясцовая назва Гарадок. Займае паўночную частку марэннай грады, якая ўпіраецца ў раку. Памер выцягнутай з поўдня на поўнач пляцоўкі 90×30 м, вышыня над поймай 6-7 м. З усходу ўмацавана валам (ніжэй за пляцоўку) вышынёй 2 м, даўжынёй каля 30 м і ровам глыбінёй 2 м, шырынёй 7 м. З паўночнага боку гарадзішча — рэшткі вала вышынёю да 0,5-0,7 м і 2 тэрасападобныя выступы, якія абрываюцца рэчкай.
Выявіў у 1967 годзе Г. В. Штыхаў, даследаваў у 1973 годзе М. А. Ткачоў, у 1981 годлзе Л. У. Дучыц. Культурны пласт у паўднёвай частцы пляцоўкі 1,1 м. Знойдзены кавалкі ляпной керамікі, попел і вуголле. Адносіцца да ранняга жалезнага веку.
Матэрыялы абследавання захоўваюцца ў Інстытуце гісторыі АН БССР.
Літаратура[правіць | правіць зыходнік]
- Археалагічныя помнікі // Гісторыя Залескага краю / Р. Шарыпкін. — Глыбокае : Вольнае Глыбокае, 2002. — С. 8-13.
- Глыбоцкі раён // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. — Мінск : БелСЭ імя П. Броўкі, 1985. — С. 224—239.