Пазін

Пазін харв.: Pazin Герб Сцяг Краіна  Харватыя Каардынаты 45°14′21″ пн. ш. 13°56′19″ у. д. Плошча 139,1 км² 15,8 км² Вышыня цэнтра 277 м Насельніцтва ▼8 279 чал. (31 жніўня 2021) Часавы пояс UTC+1 Тэлефонны код 052 Паштовыя індэксы 52000 Афіцыйны сайт pazin.hr (харв.) Пазін на карце Харватыі

Медыяфайлы на Вікісховішчы

Пазін (харв.: Pazin, італ.: Pisino, ням.: Mitterburg) — горад у Харватыі, у цэнтральнай частцы паўвострава Істрыя.

Агульныя звесткі

Сталіца харвацкай правінцыі Істрыя, нягледзячы на тое, што ён далёка не самы вялікі горад паўвострава. Шмат у чым сталічны статус Пазіна тлумачыцца тым, што гэта адзіны буйны горад паўвострава, размешчаны ў яго цэнтры, значна аддалены ад марскога ўзбярэжжа.

Знаходзіцца на скрыжаванні вядучых праз горную частку паўвострава аўтамабільных дарог Порач — Рыека і Пула — Пазін. Горад звязаны рэгулярным аўтобусным маршрутам з Пулай, іншымі істрыйскімі гарадамі, а таксама з Рыекай і праз яго з астатняй Харватыяй.

Славутасці

Краявід Пазіна

• Замак (Kaštel) — пабудаваны ў X стагоддзі, цалкам перабудаваны ў XV—XVI ст. Часткова разабраны ў XIX стагоддзі. Пасля Другой сусветнай вайны ператворнаы ў музей.
• Царква Св. Мікалая — гатычная царква (1443 год).
• Францысканская царква XV ст. Цяпер у будынку знаходзіцца музей сярэдневяковых карцін, скульптур, а таксама стардаўніх глагалічных манускрыптаў.
• Пазінская пячора — побач з горадам. Знойдзена ў 1896 годзе.

Спасылкі

• На Вікісховішчы ёсць медыяфайлы па тэме Пазін
• Афіцыйны сайт