Пельтыгера

Пельтыгера
Peltigera neopolydactyla
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Lecanoromycetes Падклас:  Lecanoromycetidae Парадак:  Пельтыгеральныя Сямейства:  Пельтыгеравыя Род:  Пельтыгера
Міжнародная навуковая назва
Peltigera
Тыпавы від
Peltigera canina — Пельтыгера сабачая
Сістэматыка на Віківідах Выявы на Вікісховішчы ITIS   14031 NCBI   48861 EOL   16624 MB   3794

Пельтыге́ра (Peltigera) — род ліставатых лішайнікаў сямейства пельтыгеравых.

Апісанне

Слаявіна буйналопасцевая (дыяметрам 3-30 см). Зверху шэрая або карычневая, пакрыта мнагаклетачным параплектэнхімным каравы́м слоем, гладкая, голая, з тонкім лямцавым покрывам, раз-пораз з белаватым налётам, часта злёгку вышчарбленым слаявінным краем. Знізу — светлая з жылкамі, на якіх знаходзяцца рызіны (органы прымацавання да субстрату) у выглядзе разнастайных пучкоў. Пладовыя целы (апатэцыі) акруглыя або эліптычныя, выпуклыя, з падагнутымі да нізу бакавымі краямі, утвараюцца на канцах лопасцей. Сумкі 6-8-споравыя. Споры ад бясколерных да бураватых, ад верацёнападобных да іголкападобных, ад 4‑да 10‑клетачных. Фікабіёнт — водарасць пераважна з роду насток (Nostoc).

Пашырэнне

У свеце вядома каля 100 відаў, шырока распаўсюджаны ў абодвух паўшар’ях, большасць у тропіках і субтропіках Паўднёвага паўшар’я. Сустракаюцца ля камля дрэў сярод імхоў, на супясчанай і суглінкавай глебе, замшэлых камянях у розных лясных фітацэнозах. На тэрыторыі Беларусі найбольш вядомыя пельтыгера сабачая (Peltigera canina), двухпальцавая (Peltigera didactyla), мяккая (Peltigera malacea), пухірыстая (Peltigera aphthosa), шматпальцавая (Peltigera polydactylon), гарызантальная (Peltigera horizontalis).

Спасылкі

• ПЕЛЬТЫГЕРА на сайце анлайн-энцыклапедыі «Беларуская энцыклапедыя»
• Пельтигера: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)